بەرىك ءۋالي پرەزيدەنتتىڭ باسپا ءسوز حاتشىسى قىزمەتىنەن كەتتى

ول «حابار» اگەنتتىگى» اق باسقارما ءتوراعاسى بولىپ تاعايىندالعان.  

مەملەكەت باسشىسىنىڭ وكىمىمەن بەرىك ءۋالي قازاقستان رەسپۋبليكاسى پرەزيدەنتىنىڭ باسپا ءسوز حاتشىسى لاۋازىمىنان بوساتىلدى، دەپ حابارلايدى Almaty-akshamy.kz  اقورداعا سىلتەمە جاساپ.

بۇدان بۇرىن حابارلاعانداي، بەرىك ءۋالي «حابار» اگەنتتىگى» اق باسقارما ءتوراعاسى بولىپ تاعايىندالعان.  

بەرىك ءۋالي 1997 جىلى ت.جۇرگەنوۆ اتىنداعى قازاق مەملەكەتتىك تەاتر جانە كينو ينستيتۋتىن «كينوتانۋشى»، 2005 جىلى ءال-فارابي اتىنداعى قازاق ۇلتتىق ۋنيۆەرسيتەتىن «جۋرناليستيكا»، 2014 جىلى قازاق يننوۆاسيالىق گۋمانيتارلىق-زاڭ ۋنيۆەرسيتەتىن «قۇقىقتانۋ» ماماندىقتارى بويىنشا بىتىرگەن.

1997-2012 جىلدارى – «حابار» اگەنتتىگى» اق-نىڭ، «تاڭ» تەلەكومپانياسىنىڭ، «نتك» تەلەارناسىنىڭ، «31 كانال» ءجشس-نىڭ ءجۋرناليسى، اقپاراتتىق باعدارلامالارىنىڭ رەداكتورى، «نۇر مەديا» ءجشس-نىڭ جەمقورلىققا قارسى مەديا ورتالىعىنىڭ جەتەكشىسى.

2012-2015 جىلدارى – وڭتۇستىك قازاقستان وبلىسى اكىمى اپپاراتى باسشىسىنىڭ ورىنباسارى، باسپا ءسوز قىزمەتىنىڭ باسشىسى، ىشكى ساياسات جانە ءدىن ىستەرى باسقارماسىنىڭ باسشىسى.

2015-2016 جىلدارى – «نۇر وتان» پارتياسى ءتوراعاسى ءبىرىنشى ورىنباسارىنىڭ كەڭەسشىسى.

2016-2018 جىلدارى – قازاقستان رەسپۋبليكاسى ينۆەستيسيالار جانە دامۋ ءمينيسترىنىڭ كەڭەسشىسى، اقپاراتتىق قامتاماسىز ەتۋ دەپارتامەنتىنىڭ ديرەكتورى.

2018-2019 جىلدارى – جامبىل وبلىسى اكىمدىگىنىڭ ىشكى ساياسات باسقارماسىنىڭ باسشىسى.

2019 جىلى ناۋرىزدا مەملەكەت باسشىسىنىڭ وكىمىمەن قازاقستان رەسپۋبليكاسى پرەزيدەنتىنىڭ باسپا ءسوز حاتشىسى بولىپ تاعايىندالدى.

«دارىن» مەملەكەتتىك جاستار سىيلىعىنىڭ يەگەرى.