حرەستوماتيالىق وقۋ قۇرالى رەتىندە جازىلعان.
الماتىداعى ۇلتتىق كىتاپحانادا جىرشى ءابىش ادىلبەكتىڭ «جىراۋلار ءسوزى – تاريحتىڭ كوزى» اتتى كىتابىنىڭ تۇساۋكەسەرى ءوتتى، دەپ حابارلايدى Almaty-akshamy.kz Almaty.tv سىلتەمە جاساپ.
"ەجەلگى ساق، عۇن داۋىرىنەن باستاپ، پاتشالى رەسەي كەزىندەگى جىراۋلار سوزىنەن سىر شەرتكەن تۋىندى، قازاق ۇلتىنىڭ ءسالت-داستۇر، تاريحى مەن جىراۋلىق ونەرىن، تەكتىلىگى مەن دانالىعىن ايقىنداپ بەرگەندەي. حرەستوماتيالىق وقۋ قۇرالى رەتىندە جازىلعان بۇل ەڭبەك جاس ۇرپاققا ءتۇبىمىزدىڭ كىم ەكەنىن، قازاقتىڭ قايدان شىققانىن ءھام كىم بولعانىن تانىتىپ، تاريحي ساناسىن قالىپتاستىرۋدا ۇلەسى زور بولماق"، - دەيدى جينالعاندار.
«تاۋەلسىز ەلىمىزدە تاۋەلسىز، ازات بولىپ ءومىر ءسۇرۋىمىز كەرەك. تاۋەلسىزدىگىمىز باياندى بولۋى كەرەك. قۇلدىق سانادان ارىلۋىمىز كەرەك. سول قۇلدىق سانادان ارىلىپ، ۇلتتىڭ رۋحىن كوتەرىپ، جاس ۇرپاققا تاريحي ساناسىن قالىپتاستىرۋ ماقساتىندا وسى كىتاپتى جازىپ شىقتىم»، - دەدى «جىراۋلار ءسوزى – تاريحتىڭ كوزى» كىتابىنىڭ اۆتورى ءابىش ادىلبەك.