قازاقستان مەن ماروككو قىلمىسكەرلەردى ەكستراديسيالاۋعا كەلىستى
قازاقستان رەسپۋبليكاسىنىڭ باس پروكۋراتۋراسى مەن ماروككو كورولدىگىنىڭ ادىلەت مينيسترلىگى قىلمىسكەرلەردى ەكستراديسيالاۋ تۋرالى كەلىسىمگە قول قويدى. قۇجات قازاقستاننىڭ باس پروكۋرورى بەرىك اسىلوۆتىڭ ماروككوعا جاساعان ساپارى اياسىندا، ەلدىڭ ادىلەت ءمينيسترى ابدەل لاتيف ۋاحبيمەن كەزدەسۋى كەزىندە راسىمدەلدى.
نەگىزگى كەلىسىمدەر:
- قىلمىسكەرلەردى ەكستراديسيالاۋ.
- قىلمىستىق ىستەر بويىنشا قۇقىقتىق كومەك كورسەتۋ.
- سوتتالعانداردى ءوزارا بەرۋ.
ماروككو ەۋروپا مەن افريكانى بايلانىستىراتىن نەگىزگى باعىتتا ورنالاسقان ەل. بۇل كەلىسىم قىلمىسقا قارسى كۇرەستە جاڭا مۇمكىندىكتەر اشادى. قازاقستان وسىعان ۇقساس كەلىسىمدى گيبرالتار بۇعازى ارقىلى ماروككودان جاقىن ورنالاسقان يسپانيامەن 12 جىل بويى قولدانىپ كەلەدى.
2023 جىلدىڭ قازان ايىنىڭ سوڭىندا قازاقستان مەن ۆەتنام اراسىندا وسىنداي كەلىسىمگە قول قويىلىپ، ونى پرەزيدەنت قاسىم-جومارت توقايەۆ ماقۇلداعان ەدى.
بۇل كەلىسىمدەر حالىقارالىق قىلمىستىق قۇقىق سالاسىنداعى ىنتىماقتاستىقتى كۇشەيتىپ، قىلمىسقا قارسى كۇرەستى جاڭا دەڭگەيگە كوتەرمەك.