«ورلەۋ» بىلىكتىلىكتى ارتتىرۋ ۇلتتىق ورتالىعى» اكسيونەرلىك قوعامىنىڭ فيليالى الماتى قالاسى بويىنشا پەداگوگيكالىق قىزمەتكەرلەردىڭ بىلىكتىلىگىن ارتتىرۋ ينستيتۋتىندا «Future English Online Teacher Community Program» پيلوتتىق جوباسى شەڭبەرىندە باسپاسوز-كونفەرەنسياسى ۇيىمداستىرىلدى.
ايتا كەتەيىك، «Future English Online Teacher Community Program» – «ورلەۋ» باسقارماسىنىڭ بريتاندىق كەڭەس حالىقارالىق ۇيىمىمەن ىنتىماقتاستىق اياسىندا اعىلشىن ءتىلى مۇعالىمدەرىنىڭ پاندىك قۇزىرەتتىلىكتەرىن ارتتىرۋ ماقساتىندا ومىرگە كەلگەن پيلوتتىق جوبا. سونىڭ ىشىندەگى كۋرستارعا الماتى قالاسىنان 50-دەن استام ءمۇعالىم قاتىسىپ، كاسىبي بىلىكتىلىكتەرىن شىڭداۋعا كىرىسكەن بولاتىن. جوبا ناتيجەسىندە مۇعالىمدەردىڭ پاندىك جانە ادىستەمەلىك قۇزىرەتتىلىكتەرى ارتىپ قانا قويماي، ولار ارىپتەستەرىمەن ءوزارا سىندارلى جۇمىس تاجىريبەسىمەن الماسۋ، جاڭا يدەيالار مەن وزەكتى تاقىرىپتاردى تالقىلاۋ، بىرلەسكەن زەرتتەۋ جوبالارىنا قاتىسۋ مۇمكىندىگىنە يە بولادى.
الماتى قالاسى بويىنشا پەداگوگيكالىق قىزمەتكەرلەردىڭ بىلىكتىلىگىن ارتتىرۋ ينستيتۋتىنىڭ اعا وقىتۋشىسى پەتروۆا لاريسا بوريسوۆنا مۇعالىمدەردى دايارلاۋداعى حالىقارالىق ىنتىماقتاستىقتىڭ ارتىقشىلىقتارىن اتاپ ءوتتى. ال №200 مەكتەپ-گيمنازياسىنىڭ اعىلشىن ءتىلى ءمۇعالىمى يشانعالييەۆا ايگۇل ماقسوت قىزى حالىقارالىق جوبا بويىنشا زەرتتەۋ جۇمىسىنىڭ ەرەكشەلىكتەرىنە توقتالدى.
ءىس-شارا سوڭىندا الماتى قالاسىنان «Future English Online Teacher Community Program» جوباسى بويىنشا كۋرسقا قاتىسۋشى مۇعالىمدەر پيلوتتىق جوبا اياسىندا كوكەيتەستى سۇراقتارعا جاۋاپ الىپ، پىكىر الماستى.