تاۋەلسىزدىكتىڭ 30 جىلى ىشىندە ءبىز ءجۇز جىلدىققا تەڭ جولدان وتتىك. ەڭ باستىسى، قازاقستاندا كوپۇلتتى حالىقتىڭ بولمىسى، تاتۋلىعى مەن كەلىسىمى قامتاماسىز ەتىلگەن. ءبىزدى الەمدىك ارەنادا تانيدى جانە قۇرمەتتەيدى.
ەلباسى نۇرسۇلتان نازاربايەۆ «Nur Otan» پارتياسىنىڭ ساياسي كەڭەسىنىڭ كەڭەيتىلگەن وتىرىسىندا «ەلدىكتىڭ جەتى تۇعىرى» قاعيداتتارىنىڭ جيىنتىعىن ۇسىنىپ، نەگىزگى باعداردى ايقىنداي وتىرىپ، مەملەكەت تاريحىنداعى جاڭا ءداۋىردى اشتى.
بۇگىندە ەلىمىزدىڭ باستى ساياسي كۇشى سانالاتىن «Nur Otan» پارتياسى قالامىزدىڭ باسىمدىقتارىن، ونىڭ باستامالارى مەن مىندەتتەرىن ناسيحاتتاۋداعى ماڭىزدى جانە بارلىق الماتىلىقتاردىڭ بىرىكتىرۋشى كۇشى رەتىندە ارەكەت ەتەدى.
ءبىرىنشى قاعيداتتى ىسكە اسىرۋ ءبىزدىڭ تاۋەلسىزدىكتىڭ التىن بەسىگى الماتى قالاسىنا ەرەكشە نازار اۋدارتادى. قازاقستاننىڭ قالىپتاسۋ جولىنداعى ەڭ ايتۋلى وقيعالار الماتىمەن تىعىز بايلانىستى. مۇندا ەل ءۇشىن ماڭىزدى شەشىمدەر قابىلداندى: مەملەكەتتىك ەگەمەندىك تۋرالى دەكلاراسيا، كونستيتۋسيا قابىلدانىپ، مەملەكەتتىك رامىزدەر بەكىتىلدى، قارۋلى كۇشتەر، ۇلتتىق ۆاليۋتا قۇرىلدى. قالا ەكونوميكا تۇرعىسىنان عانا ەمەس، سونىمەن قاتار زاماناۋي مەگاپوليسكە ءتان تىڭ ەرەكشەلىكتەرگە دە يە بولدى - جۇزدەگەن الەۋمەتتىك جانە ينفراقۇرىلىمدىق نىساندار مەن جاڭا جايلى قوعامدىق كەڭىستىكتەر قالانىڭ كوركىن اشتى، سونداي-اق جوعارى الەۋمەتتىك بەلسەندىلىكپەن ەرەكشەلەندى. بۇل ەلباسى نۇرسۇلتان ءابىش ۇلى قول جەتكىزگەن جەتىستىكتەردىڭ جانە پرەزيدەنت قاسىم-جومارت توقايەۆتىڭ ءبىزدىڭ قالامىزعا دەگەن تۇراقتى قامقورلىعىنىڭ، ەرەكشە نازارىنىڭ جۇزدەن ءبىر بولىگى عانا. مەگاپوليستىڭ ەرەكشەلىكتەرىن جانە بىزگە جۇكتەلگەن جاۋاپكەرشىلىكتى ەسكەرە وتىرىپ، ءبىز حالىقپەن جۇمىستى بارىنشا جانداندىرىپ، قالا تۇرعىندارىنىڭ كوكەيتەستى ماسەلەلەرىن ءتيىمدى شەشىپ، الەۋمەتتىك ينفراقۇرىلىمدى دامىتىپ، اتالعان مىندەتتەردى ناقتى ىسكە اسىرۋىمىز كەرەك.
كوپۇلتتى مەملەكەتىمىزدە ادامنىڭ قۇقىقتارى مەن بوستاندىقتارىن ساقتاۋ – ەلباسىنىڭ تاۋەلسىزدىك تاڭىندا قۇرعان ازاماتتىق قوعام ينستيتۋتى - قازاقستان حالقى اسسامبلەياسىنىڭ باستى ماقساتى. بۇل ەكىنشى ءپرينسيپتىڭ باستى باعىتى. كەيبىر ەلدەردە حالىقتار دوستىعى مەن ولاردىڭ ءبىر اۋماقتا بەيبىت ءومىر ءسۇرۋى قازىرگى كەزەڭدەگى وتكىر ماسەلە. بۇدان بولەك، قازاقستاندىق ءپاتريوتيزمنىڭ قالىپتاسۋىنا ىقپال ەتەتىن كەلىسىم مەن بىرلىك فۋنكسياسىنىڭ باعىتى بويىنشا قازاقستان جاستارىمەن بەلسەندى جۇمىس جۇرگىزىلۋدە. اتالعان ماڭىزدى اسپەكتىدە الماتى قالا سانىنىڭ ۇشتەن ءبىر بولىگىن قۇرايتىن جاستاردىڭ قالاسى بولىپ سانالادى.
وسىلايشا، ءبىزدىڭ ۇلتتىق رۋحىمىز، ۇلتتىق سانا–سەزىمىمىز بەن قازاقستاندىقتاردىڭ ۇلتتىق مادەنيەتىنىڭ ءتۇپ تامىرى سانالاتىن قوعامنىڭ رۋحاني نەگىزدەرىن ساقتاۋ - ۇلت كوشباسشىسى سوزدەرىنىڭ ءبىرىنشى دارەجەدەگى ماڭىزدىلىعىنا يە. وسى تۇعىرنامانىڭ ناتيجەسىندە ءبىزدىڭ رۋحانيات پەن مەنتاليتەتىمىزدى قالىپتاستىراتىن العىشارتتار انىقتالادى. بۇل قازاقستاننىڭ تۇڭعىش پرەزيدەنتى ايقىنداعان شەكارا مەن اۋماقتىق تۇتاستىقتىڭ ساقتالۋى، كورشى ەلدەرمەن دوستىق قارىم-قاتىناس جانە قازاقستاندىق قوعامنىڭ شىنايى ينتەگراتورى بولىپ تابىلاتىن ءداستۇرلى وتباسىلىق قۇندىلىقتاردى قولداۋ دەگەن ءسوز.
ەلباسى اتاپ وتكەندەي، بىلىمگە دەگەن ۇمتىلىس پەن ەڭبەكقورلىق – يگىلىكتىڭ كىلتى. ءبىزدىڭ تۇرعىندار ءۇشىن بارلىق جاعداي جاسالعان، ال نۇروتاندىقتار ءۇشىن ناقتى ماقسات قويىلعان، ول - بارلىق مىندەتتەردى ورىنداۋ. بۇل قاراپايىم ادامداردىڭ وزەكتى ماسەلەلەرىن شەشۋگە باعىتتالعان پارتياعا دەگەن سەنىمدى نىعايتۋعا ىقپال ەتەدى.
ەل وڭىرلەرىنىڭ دامۋ ءقاۋپىن ارتتىرعان COVID-19-دىڭ ۇزاق كارانتينى جانە شەكتەۋ شارالارى سياقتى بارلىق سىن–قاتەرلەرگە قاراماستان، «Nur Otan» پارتياسى سايلاۋ الدىنداعى ۋادەلەرىن ورىنداۋدا ەلەۋلى ناتيجەلەرگە قول جەتكىزدى جانە بۇل جۇمىستى جاڭا باعىت – «ەلدىكتىڭ جەتى تۇعىرى» قاعيداتتارىنىڭ جيىنتىعى شەڭبەرىندە جالعاستىراتىن بولادى. پارتيانىڭ سايلاۋالدى مىندەتتەمەلەرىن ورىنداۋعا جۇمىلدىرىلعان تەتىكتەرى جۇمىسسىزدىق دەڭگەيىن 5،1% - عا دەيىن تومەندەتۋگە ىقپال ەتتى، 50 مىڭنان استام جاڭا جۇمىس ورىندارى قۇرىلدى. ساپالى بىلىمگە قول جەتكىزۋدى قامتاماسىز ەتۋ دە ماڭىزدى ماسەلە بولىپ تابىلادى. اتاپ ايتقاندا، پارتيانىڭ جول كارتاسى اياسىندا بارلىعى 5 مىڭ ورىندىق 72 جەكەمەنشىك بالاباقشا اشىلىپ، 3 مەملەكەتتىك بالاباقشانىڭ قۇرىلىسى اياقتالدى. بۇگىندە ءبىز 5 جىلعا ارنالعان سايلاۋالدى ۋادەلەرىمىزدىڭ 30%-ىن ورىندادىق.
ەلباسى باعىتىن جالعاستىرۋدىڭ ارقاسىندا «Nur Otan» پارتياسى الماتىداعى تۇراقتى جاعدايدى قامتاماسىز ەتۋ ءۇشىن بار كۇشىن سالادى. ءبىزدى ءاربىر تۇرعىننىڭ ءومىر ءسۇرۋ دەڭگەيىن ارتتىرۋداعى ورتاق ماقسات بىرىكتىرەدى.
پارتيانىڭ الماتى قالالىق فيليالى «ەلدىكتىڭ جەتى تۇعىرى» قاعيداتتار جيناعىنىڭ نەگىزگى باعىتتارىن جانە پارتيانىڭ ساياسي كەڭەسىنىڭ كەڭەيتىلگەن وتىرىسىنىڭ قورىتىندىلارىن تالقىلاۋ جانە ءتۇسىندىرۋ بويىنشا بەلسەندى جۇمىس باستاعانىن اتاپ وتكىم كەلەدى. قالادا 700-گە جۋىق پارتيا ۇيىمى جانە 60 مىڭ پارتيا مۇشەسى بار. بۇگىننەن باستاپ بارلىق اۋداندىق فيليالداردا باستاۋىش پارتيا ۇيىمدارىنىڭ جينالىستارى مەن كەزدەسۋلەرىن تالقىلاۋ باستالادى. «Nur Otan» پارتياسى بۇل ميسسيانى ەرەكشە جاۋاپكەرشىلىكپەن ورىنداپ، ەلەۋلى تابىسقا جەتەتىنىنە سەنىمدىمىن!