بيىلعى 7 ايدا ەلىمىزدە 61 ملن 700 مىڭ توننا كومىر ءوندىرىلدى. بۇل تۋرالى يندۋستريا جانە ينفراقۇرىلىمدىق دامۋ ۆيسە-مينيسترى ءىلياس وسپانوۆ ايتتى، دەپ حابارلايدى Almaty-akshamy.kz.
«جىلۋ بەرۋ كەزەڭىنىڭ جوسپارىنا سايكەس، شامامەن 9 ملن 100 مىڭ توننا كومىر قاجەت (ونىڭ ىشىندە كوممۋنالدىق سالادا - 2،4 ملن توننا، حالىققا – 6،7 ملن توننا كومىر). بيىلعى 7 اي ىشىندە 61 ملن 700 مىڭ توننا كومىر ءوندىرىلدى، ونىڭ ىشىندە كوممۋنالدىق-تۇرمىستىق قاجەتتىلىكتەر مەن حالىققا 3 ملن 900 مىڭعا جۋىق توننا جونەلتىلدى»، - دەدى ءى. وسپانوۆ ۇكىمەت وتىرىسىندا.
ونىڭ ايتۋىنشا، الەۋمەتتىك كومىردىڭ شەتكە كەتۋىن بولدىرماۋ ماقساتىندا مينيسترلىك كومىردى اۆتوموبيل كولىگىمەن تاسىمالداۋدى شەكتەۋگە باعىتتالعان الدىن الۋ شارالارىن قابىلدادى. بۇدان بولەك، كومىر وندىرۋگە كەلىسىمشارتتارى بار كومىر ءوندىرۋشى كاسىپورىندار مەن ولاردىڭ ۇلەستەس ساۋدا كومپانيالارىنا تاسىمالداۋ قۇقىعىن بەرە وتىرىپ، كومىر ەكسپورتىنا ايرىقشا قۇقىقتى بەلگىلەۋ ماسەلەسى پىسىقتالىپ جاتىر.
«جەرگىلىكتى اتقارۋشى ورگاندار باقىلاۋشى ورگاندارمەن بىرلەسىپ، جىلۋ بەرۋ ماۋسىمىنا دايىندىقتى كۇشەيتۋگە مۇمكىندىك بەرەتىن ءبىرقاتار ءىس-شارالاردى پىسىقتاۋى قاجەت»، - دەدى ۆيسە-مينيستر.