الماتىدا اي-92 ماركالى بەنزين 2 تەڭگەگە، اي-95 – 4 تەڭگەگە قىمباتتادى.
Qazaq Oil، Helios جانە Sinooil جانارماي قۇيۋ ستانسيالارىندا بەنزين باعاسى كوتەرىلدى، دەپ حابارلايدى aqshamnews.kz
بۇل جانارماي نارىعىن ىرىقتاندىرۋ تۋرالى ەنەرگەتيكا مينيسترلىگىنىڭ مالىمدەمەسىنەن كەيىنگى العاشى ءوسىم.
16 اقپان كەشىنەن باستاپ الماتى، الماتى وبلىسى جانە استانادا جانارماي قۇيۋ ستانسيالارى باعانى كوتەرە باستادى.
ماسەلەن Helios جانارماي قۇيۋ ستانسياسىندا اي-92 بەنزينى 207 تەڭگەدەن ساتىلسا، ديزەل وتىنىنىڭ باعاسى 275 تەڭگەنى قۇرايدى. سونىمەن قاتار Sinooil جانارماي قۇيۋ ستانسياسىندا دا باعا 2 تەڭگەگە كوتەرىلدى.
ساراپشىلار باعانىڭ ءوسۋىن جانارماي نارىعىنىڭ ەركىن اينالىمعا شىعۋىمەن بايلانىستىرىپ وتىر. ەنەرگەتيكا ءمينيسترى الماسادام ساتقالييەۆ بۇعان دەيىن باعانىڭ 5 تەڭگەگە كوتەرىلۋى مۇمكىن ەكەنىن ايتقان بولاتىن. بۇل قادام بيۋدجەتكە تۇسەتىن قاراجاتتى ارتتىرىپ، نارىقتى جاڭا جاعدايعا بەيىمدەۋ ءۇشىن قاجەت دەپ ءتۇسىندىرىلدى.
قازاقستاننىڭ جانارماي قاۋىمداستىعى KC Energy Group جانە «قازمۇنايگاز» كومپانيالارى 1 اقپاننان باستاپ كوتەرمە باعانى كوتەرگەنىن مالىمدەدى. قتا ەسەپتەۋىنشە، اقپان ايىنىڭ سوڭىنا دەيىن اي-92 جانە ديزەل وتىنى تاعى 4 تەڭگەگە قىمباتتاۋى مۇمكىن.