باعا وسپەيدى.
بەنزين ارزانداۋى مۇمكىن بە دەگەن سۇراققا ەنەرگەتيكا ءمينيسترى بولات اقشولاقوۆ جاۋاپ بەردى، دەپ حابارلايدى Almaty-akshamy.kz
«قازاقستان تمد ەلدەرى مەن دۇنيە جۇزىندە بەنزين باعاسىنىڭ ارزاندىعى بويىنشا العاشقى بەستىككە كىرەتىنىنەن باستايىق. بۇل بەستىككە نارىقتىق قاتىناس مۇلدە جوق ەلدەر كىرەدى»، - دەدى اقشولاقوۆ.
مينيستر قازاقستانداعى مۇناي ونىمدەرى باعاسىنىڭ تومەندىگى كورشىلەس مەملەكەتتەرگە ۇلكەن كولەمدە رۇقساتسىز تاسىمالدانۋى سەبەبىنەن بولعانىن ايتتى.
«بىلتىر نە سەبەپتى تاپشىلىق كوردىك؟ ويتكەنى ەكسپورتقا تىيىم سالىنعانىنا قاراماستان، مۇناي ونىمدەرى شەكارادان باقىلاۋسىز تاسىمالداندى. رەسەيدىڭ مۇناي ونىمدەرى ارزان بولۋى مۇمكىن، ءبىراق ءقازىر قىمباتتادى، ويتكەنى قازاقستان مەن رەسەيدەگى باعا اراسىندا وتە ۇلكەن الشاقتىق بولدى – شامامەن 100 تەڭگە. رەسەيلىك ءونىم بىزدىكىنەن ارزانداپ، نارىقتى تولتىرىپ جاتقانى بايقالمايدى»، - دەدى مينيسترلىك باسشىسى.
اقشولاقوۆتىڭ ايتۋىنشا، اي-92 جانە اي-93 باعاسى 192 تەڭگە، اي-95 215 تەڭگە، ءبىر ليتر ديزەل 230-260 تەڭگە دەڭگەيىندە قالادى.
«اكسيزگە كەلەتىن بولساق، مۇناي ونىمدەرىن ساتۋ كەزىندە مارجانىڭ بەلگىلى ءبىر بولىگىن العان ءونىمسىز دەلدالداردى الىپ تاستاۋ ۇيعارىلدى. مارجانىڭ بۇل ۇلەسى اكسيزدەر تۇرىندە مەملەكەتكە تۇسەدى. باعا وسپەيدى. جاڭا اكسيزدەر قولدانىلعاندىقتان، باعا كوتەرىلمەيدى، ءبىراق ونىڭ تومەندەۋى دە ەكىتالاي. باعا ءالى دە ساقتالىپ تۇر»، - دەپ تۇيىندەدى مينيستر.