الماتى قالاسى اكىمدىگىنىڭ جانە قازاقستان رەسپۋبليكاسىنىڭ سەربيا رەسپۋبليكاسىنداعى ەلشىلىگىنىڭ قولداۋىمەن بەلگراد قالاسى مۋزەيلەرىنىڭ قۇرامىنا كىرەتىن حانشايىم ليۋبيسا سارايىندا الماتى قالاسى تاريحى مۋزەيىنىڭ «ۇلى دالانىڭ مادەني مۇراسى» اتتى كورمەسى اشىلدى، دەپ حابارلايدى aqshamnews.kz
كورمەگە الماتى قالاسى مۋزەيلەرىنىڭ بىرلەستىگى قورىنان 220-دان استام ەكسپونات قويىلدى. ەكسپوزيسيا نەگىزىن قازاق حالقىنىڭ تۇرمىسى مەن داستۇرلەرى، قولدانبالى ونەرى تۋرالى باياندايتىن ەتنوگرافيالىق ارتەفاكتىلەر قۇرايدى.
كورمەنىڭ اشىلۋىنا سەربيا پرەزيدەنتى الەكساندر ءۆۋچيچتىڭ جۇبايى تامارا ۆۋچيچ حانىم، سەربيا پرەزيدەنتىنىڭ مادەني ماسەلەلەر جونىندەگى كەڭەسشىسى دەيان ساۆيچ مىرزا، سەربيانىڭ ساياسي تۇلعالارى، ديپلوماتيالىق كورپۋس، اكادەميالىق جانە عىلىمي توپتاردىڭ وكىلدەرى، قوعامدىق ۇيىمداردىڭ باسشىلارى، مادەنيەت قايراتكەرلەرى جانە ب ا ق قاتىستى.
قازاقستان رەسپۋبليكاسىنىڭ سەربياداعى ەلشىسى ءمادي اتامقۇلوۆ ءوز سوزىندە ۇلى دالا حالقىنىڭ تاريحى مەن مادەنيەتىن، كوشپەلى وركەنيەت داستۇرلەرىن، تۇرمىسىن، قازاق كوشپەندىلەرىنىڭ فيلوسوفياسى مەن دۇنيەتانىمىن تانىستىرۋ بولىپ تابىلاتىنىن اتاپ ءوتتى. ۇلى دالا حالقىنىڭ تاريحى مەن مادەنيەتىن بەينەلەيتىن بالقان تۇبەگىندە العاش رەت ۇيىمداستىرىلعان كورمە ەكەنىن اتاپ ءوتتى.
كورمە 12 قاڭتارعا دەيىن جالعاسادى.
بۇعان دەيىن الماتى قالاسى مۋزەيلەر بىرلەستىگى الماتى اكىمدىگىنىڭ قولداۋىمەن حالىقارالىق مادەني ىنتىماقتاستىقتى دامىتۋ شەڭبەرىندە يتاليا، اۆستريا، تۇركيا، وڭتۇستىك كورەيا، پراگا، ۆەنگريادا كورمە وتكىزىپ، فرانسيادا ۇلتتىق ەسكەرتكىشتەر ورتالىعى جانە سينگاپۋردىڭ عىلىمي ورتالىعىندا بىرلەستىك قىزمەتكەرلەرى بىلىكتىلىكتەرىن ارتتىردى.