مينيستر ءجۋرناليستىڭ تۋعان-تۋىستارىنا قايعىلارىنا ورتاقتاساتىنىن جەتكىزدى.
قازاقستاننىڭ اقپارات جانە قوعامدىق دامۋ ءمينيسترى ايدا بالايەۆا مارقۇم دانابەك بيمەنوۆتىڭ وتباسىنا، تۋعان -تۋىستارىنا كوڭىل ايتتى، دەپ حابارلايدى Almaty-akhamy.kz.
«بەلگىلى قالامگەر، قازاقستاننىڭ قۇرمەتتى ءجۋرناليسى دانابەك بيمەنوۆتىڭ ومىردەن وزۋىنا بايلانىستى مارقۇمنىڭ وتباسى مەن جاقىن-تۋعاندارىنىڭ قايعىلارىنا ورتاقتاسىپ كوڭىل ايتامىن.
دانابەك بيمەنوۆ ءوزىنىڭ سانالى عۇمىرىندا جۋرناليستيكا سالاسىندا ەلەۋلى ەڭبەك ەتىپ، قارىمدى قابىلەتىمەن، زور شىعارماشىلىق الەۋەتىمەن وتاندىق مەديانى دامىتۋعا ولشەۋسىز ۇلەس قوستى. ونىڭ، اسىرەسە، جاھاندىق كليمات پەن ەكولوگيالىق قاۋىپسىزدىك ماسەلەلەرى تۋرالى پايىمدى جازبالارى ماڭىزدىلىعى مەن ومىرشەڭدىگىن جوعالتپايتىن قۇندى دۇنيەلەر بولىپ قالاتىنى انىق.
دانابەك بيمەنوۆتىڭ جارقىن بولمىسى مەن تۇلعاسى، اتقارعان ەڭبەگى مەن جازعاندارى جاقىندارى مەن ارىپتەستەرىنىڭ، قالىڭ وقىرمان قاۋىمنىڭ ەسىندە ماڭگi ساقتالادى دەپ سەنەمىن.
مارقۇمنىڭ جاتقان جەرى جارىق، توپىراعى تورقا بولىپ، نۇرى پەيىشتە شالقىسىن»، –دەپ جازعان مينيستر ءوزىنىڭ Facebook پاراقشاسىندا.