بەلگىلى جازۋشى ەركىن جاپپاس ۇلى ومىردەن ءوتتى

بەلگىلى ساتيريك-جازۋشى ەركىن جاپپاس ۇلى دۇنيەدەن ءوتتى، - دەپ حابارلايدى Aqshamnews.kz.

ەركىن جاپپاس ۇلى 1954 جىلى سەمەي وبلىسى، اقسۋات اۋدانىنىڭ «ەكپىن» اۋىلىندا دۇنيەگە كەلگەن. 1982 جىلى قازاق مەملەكەتتىك ۋنيۆەرسيتەتىنىڭ (قازىرگى قازۇۋ) جۋرناليستيكا فاكۋلتەتىن بىتىرگەن. ەڭبەك جولىن «قازاقستان پيونەرى» («ۇلان») گازەتىندە باستاعان، كەيىن رەسپۋبليكالىق «قازاقكىتاپ» بىرلەستىگىنىڭ ناسيحات رەداكسياسىندا، سونداي-اق، «قازاق ادەبيەتى» گازەتىندە ءتىلشى قىزمەتىن اتقارعان. 

العاشقى سىقاق تۋىندىلارى 1967 جىلدان باستاپ «سەمەي تاڭى»، «قازاق ادەبيەتى»، «لەنينشىل جاس» (قازىرگى «جاس الاش»)، «قازاقستان پيونەرى» گازەتتەرىندە، «اراشمەل»، «جۇلدىز»، «جالىن» جۋرنالدارىندا جاريالانعان.

ول قازاق ساتيراسىنىڭ دامۋىنا ايرىقشا ۇلەس قوسقان. «كىمگە كۇلكى، كىمگە ءتۇرپى؟»، «وي، قىتىعىم كەلەدى…»، «قىمسىنباشى، قىلىقتىم»، «مىڭقەتپەس مىڭق ەتەر ەمەس» اتتى كىتاپتارى جارىق كورگەن. 2003 جىلى «قىمسىنباشى، قىلىقتىم» ەڭبەگى ءۇشىن حالىقارالىق «الاش» ادەبي سىيلىعىن العان. ونىڭ شىعارمالارى ورىس جانە جۇڭگو تىلدەرىنە اۋدارىلعان.

سونىمەن بىرگە، ەركىن جاپپاس ۇلى «قازاقستان»، «حابار» تەلەارنالارىنىڭ ءازىل-سىقاق حابارلارىنا، ايگىلى «تاماشا» ويىن-ساۋىق وتاۋىنا تۇراقتى اۆتور بولعان.