اتىراۋ قالاسىندا ورنالاسقان مەيرامحانا كەشەنىندە ءىرى ءورت شىقتى، دەپ حابارلايدى Aqshamnews.kz ءتىلشىسى ق ر توتەنشە جاعدايلار مينيسترلىگىنىڭ باسپا ءسوز قىزمەتىنە سىلتەمە جاساپ.
ۆەدومستۆونىڭ مالىمەتىنشە، وقيعا سەنبى كۇنى گەولوگ ىقشاماۋدانىندا ورىن العان. اققۇلوۆ كوشەسىندە ورنالاسقان ەكى قاباتتى مەيرامحانا كەشەنىنىڭ شاتىرى 500 شارشى مەتر اۋماقتا ورتەنگەن.
ءورت سوندىرۋشىلەر كەلگەن ساتتە وت ەكىنشى قاباتتاعى كافەنىڭ شاتىرىن شارپىعان. مامانداردىڭ جەدەل ارەكەتىنىڭ ارقاسىندا ءتىلسىز جاۋ تولىقتاي ءسوندىرىلدى.
قۋانىشقا وراي، زارداپ شەككەندەر جوق. ءورتتىڭ شىعۋ سەبەبى انىقتالىپ جاتىر.