22 جانە 23 قاراشا كۇندەرى الماتى قالاسىندا بەلگىلى ۆوكالدى-اسپاپتىق «ياشلىك» ءانسامبلىنىڭ 50 جىلدىعىنا ارنالعان مەرەيتويلىق كونسەرت ءوتتى.
كونسەرت ق ر مادەنيەت جانە اقپارات مينيسترلىگىنىڭ قولداۋىمەن ۇيىمداستىرىلدى، دەپ حابارلايدى aqshamnews.kz
«ياشلىك» ءانسامبلى 1974 جىلى قۇرىلعان. ۇلتتىق مۋزىكانى حالىق اسپاپتارىمەن ۇيلەستىرىپ، جاڭا وڭدەۋمەن ۇسىنا بىلگەن توپ بىرنەشە مارتە حالىقارالىق بايقاۋلاردىڭ جەڭىمپازى اتاندى.
ءىس-شاراعا «دوس-مۇقاسان» ءانسامبلى، قازاقستاننىڭ حالىق ءارتىسى روزا رىمبايەۆا، قازاقستاننىڭ ەڭبەك سىڭىرگەن قايراتكەرلەرى ديلناز احمادييەۆا مەن الىشەر كارىموۆ، ءانشى جانە كومپوزيتور پارۆيز نازاروۆ، سونداي-اق «ياشلىك» ءانسامبلىنىڭ قازىرگى قۇرامى مەن قازاقستاندىق جانە ۇيعىر ەستراداسىنىڭ جۇلدىزدارى قاتىستى.
كونسەرتتە ءانسامبلدىڭ 70–80 جىلدارداعى حيتتەرى مەن تانىمال اندەردىڭ زاماناۋي وڭدەلگەن نۇسقالارى ورىندالدى.
ونەر ۇجىمىنا مەملەكەت باسشىسى قاسىم-جومارت توقايەۆتىڭ اتىنان ىقىلاس گ ۇلى تابىس ەتىلدى.
ق ر مادەنيەت جانە اقپارات ءمينيسترى ايدا بالايەۆا «ياشلىك» ءانسامبلىنىڭ ۇجىمىن مەرەيتويىمەن قۇتتىقتاپ، ءانسامبلدىڭ قازاقستاننىڭ مۋزىكا مادەنيەتىندەگى ورنى ەرەكشە ەكەنىن ايتتى.