ادامنىڭ مىنەزى ونىڭ عۇمىرىنىڭ ۇزاقتىعىنا اسەر ەتەدى

75 جىلعا سوزىلعان تاجىريبە ناتيجەسىندە ادام عۇمىرىنىڭ ۇزاقتىعى مەن ادام مىنەز-قۇلقىنىڭ اراسىندا بايلانىس بارى انىقتالدى.

 بۇل جايىندا islam.kz پورتالى "Psychological Science" مەرزىمدى باسىلىمىنا سىلتەمە جاساي وتىرىپ ءمالىم ەتەدى، دەپ حابارلايدى aqshamnews.kz.

ادامزاتتىڭ باستى ماقساتتارىنىڭ بىرىنە عۇمىر جاسىن ۇزارتۋ جاتادى. تاياۋدا قورىتىندىسى شىعارىلعان زەرتتەۋدە ادام مىنەزىنىڭ عۇمىردى ۇزارتۋدا ماڭىزدى ءرول وينايتىنى بەلگىلى بولدى.

عالىمدار ۇزاق عۇمىر سۇرۋگە ىقپال ەتەتىن نەگىزگى مىنەز تۇرلەرىن اتادى: ەرلەر اراسىندا اشىق-جارقىن ءارى جاڭالىققا قۇمار جانداردىڭ ۇزاق ءومىر سۇرەتىنى انىقتالعان، ال ايەلدەر اراسىندا ەموسياسى تۇراقتى ءارى اينالاسىنداعىلارعا جايلى جانداردىڭ ۇزاق جاساۋ ىقتيمالدىلىعى جوعارى بولىپ شىقتى.

ايرىقشا زەرتتەۋگە جەتەكشىلىك ەتكەن جوشۋا جەكسون ەسىمدى عالىمنىڭ ايتۋىنشا، مۇنداي مىنەزدەر ادامنىڭ دەنساۋلىعىنا وڭ اسەرىن تيزەدى.

 سونداي-اق، ول اشىق-جارقىن ەر-ازاماتتار اراسىندا دەنساۋلىققا جات ادەتتەردەن (شىلىم شەگۋ، ىشىمدىك تۇتىنۋ، ت.ب.) اۋلاق جۇرەتىندەر قاراسىنىڭ كوپ بولاتىنىن العا تارتتى. بۇل جاڭالىق ءوز كەزەگىندە تۇلعاعا قاتىستى اقپاراتتىڭ پەرسونالدى مەديسينانىڭ دامۋىنا ىقپال ەتەتىنىن كورسەتىپ بەردى. مىنەز تەك ادامنىڭ تۇلعالىق قاسيەتتەرىن قالىپتاستىرىپ قويماي، سونىمەن قاتار، ونىڭ دەنساۋلىعىنا دا ىقپال ەتەتىن ماڭىزدى فاكتور رەتىندە العا شىعادى.