بەلگيادا ەپيدەميولوگيالىق احۋال ۋشىعىپ، شەكتەۋ شارالارى كۇشەيتىلدى، دەپ حابارلايدى almaty-akshamy.kz
وتكەن اپتادا تاۋلىگىنە ورتا ەسەپپەن 5 مىڭ 300 ادام كوروناۆيرۋس جۇقتىرعان. وسىعان وراي بيلىك ەل اۋماعى بويىنشا مىندەتتى ماسكا تاعۋ رەجيمىن قايتاردى. سونىمەن قاتار تۇرعىندار قازاننىڭ 29-ىنان باستاپ قوعامدىق تاماقتانۋ ورىندارى، سپورتتىق جانە مادەني عيماراتتارعا كىرەر الدىندا مىندەتتى تۇردە كوۆيد ءتولقۇجاتىن كورسەتۋى ءتيىس.
كاسىپورىندار مەن كومپانيا قىزمەتكەرلەرىنىڭ باسىم بولىگى قاشىقتان جۇمىس ىستەۋ رەجيمىنە كوشۋى كەرەك. ەلدە 3 ايعا توتەنشە جاعداي جاريالاندى.
- عيمارات ءىشىن ۇنەمى جەلدەتىپ تۇرۋ كەرەك. ءوزىڭىزدى جايسىز سەزىنسەڭىز، جۇمىسقا شىقپاي، تەست تاپسىرعاندارىڭىز ءجون. ۆيرۋس ءورشىپ تۇرعاندىقتان، ءبىر جەردە ەگدە جاستاعى تۇرعىندار مەن بالالاردىڭ جينالۋىنا بولمايدى. اينالامىزداعى ادامدارعا قامقورلىق تانىتۋىمىز كەرەك. ىندەتتەن تەك ۆاكسينا ارقىلى قورعانا الامىز. ەكپە ينفەكسيادان 70 پايىز قورعايدى. سونىمەن قاتار اۋرۋدىڭ جەڭىل تۇردە وتۋىنە سەپتىگىن تيگىزەدى. سوندىقتان 65 جاستان اسقان ازاماتتار ۆاكسينانىڭ ءۇشىنشى دوزاسىن العانى ابزال، - دەدى بەلگيا پرەمەر-مينيسترى الەكساندر دە كرو.