الماتىدا ەكى كوشە قالا شەگىنە دەيىن ۇزارتىلادى
الماتى قالالىق موبيلدىلىك باسقارماسىنىڭ مالىمەتىنە سايكەس، ن.تىلەندييەۆ كوشەسى مەن سولتۇستىك اينالما جولى سولتۇستىك باعىتتا ۇلكەن الماتى اينالما اۆتوموبيل جولىنا دەيىن ۇزارتىلادى، - دەپ حابارلايدى Almaty-akshamy.kz قازاقپارات سايتىنا سىلتەمە جاساپ.
«جوعارىدا اتالعان جولداردى ۇزارتۋ بويىنشا جوبالىق-سمەتالىق قۇجاتتامانى ازىرلەۋ مەرزىمى 2022 جىلعا جوسپارلانىپ وتىر. ن.تىلەندييەۆ كوشەسىن توعىز شاقىرىمعا، ال سولتۇستىك جارتى اينالما جولدى 1،2 شاقىرىمعا ۇزارتۋ كوزدەلگەن. سونداي-اق، كولىك جولايرىعىن سالۋ ۇسىنىلادى»، - دەپ حابارلادى باسقارمادان.
سونىمەن قاتار، ت. رىسقۇلوۆ داڭعىلى ف. وڭعارسىنوۆا كوشەسىنەن قالا شەكاراسىنا دەيىنگى ارالىعىن ۇزارتۋ جوباسى پىسىقتالىپ جاتىر. جالپى، 2030 جىلعا دەيىن الماتىدا 38 كوشە ۇزاراتىلادى.
ساراپشىلار جاڭا كوشەلەردى ەكى كەزەڭدە سالۋدى ۇسىنىپ وتىر. كوشەلەردىڭ ءبىر بولىگى - 2025 جىلعا دەيىن، ال ەكىنشىسى - 2030 جىلعا دەيىن.