الماتىدا كاسىپكەرلەرگە مەملەكەتتەن قاجەتتى قولداۋ الۋعا كومەكتەسەتىن قۇرالدار تابىستى جۇمىس ىستەۋدە. وڭىرلىك كوممۋنيكاسيالار قىزمەتىنىڭ بريفينگىندە الماتى قالاسى كاسىپكەرلىك جانە ينۆەستيسيالار باسقارماسى باسشىسىنىڭ ورىنباسارى قاليبەك اقىلبەكوۆ «بيزنەستىڭ جول كارتاسى» باعدارلاماسىنىڭ جۇمىسى تۋرالى ايتىپ بەردى، دەپ حابارلايدى almaty-akshamy.kz
سپيكەر الماتى كاسىپكەرلەرىنە قارجىلاي كومەك كورسەتۋ كولەمى جىل سايىن ءوسىپ كەلە جاتقانىن، ال ق ر پرەزيدەنتى قاسىم-جومارت توقايەۆتىڭ تاپسىرماسى بويىنشا «بيزنەستىڭ جول كارتاسى» مەملەكەتتىك باعدارلاماسى ودان ءارى داميتىنىن اتاپ ءوتتى.
«ءبىزدىڭ قالامىزدا بيزنەسكە بارلىق دەڭگەيدە قولداۋ كورسەتىلەدى: وقىتۋ، كەڭەس بەرۋ، ينفراقۇرىلىمدىق، قارجىلىق. جىل سايىن «بيزنەستىڭ جول كارتاسى» باعدارلاماسىنىڭ بيۋدجەتى ءوسىپ، ءۇش جىلدا 31 ملرد تەڭگەنى قۇرادى. بيىل بيۋدجەت 17،7 ملرد تەڭگەنى قۇرايدى، بۇل وتكەن جىلمەن سالىستىرعاندا 2،2 ەسە كوپ»، - دەدى كاسىپكەرلىك جانە ينۆەستيسيالار باسقارماسى باسشىسىنىڭ ورىنباسارى.
بولىنگەن قاراجاتتىڭ 690 ميلليونى قايتارىمسىز گرانتتارعا، قالعاندارى سۋبسيديالاۋعا جانە ءىشىنارا كەپىلدەندىرۋگە باعىتتالدى. سپيكەر بۇگىنگى تاڭدا 154 ملرد تەڭگە نەسيە سوماسىنا 2 332 جوبا ماقۇلدانعانىن قوستى. باعدارلامانىڭ ارقاسىندا 1 600-دەن استام جۇمىس ورنى اشىلدى.
بۇل رەتتە جوبالاردىڭ ەڭ كوپ سانى ساۋدا سالالارىندا – 17%، اكىمشىلىك جانە قوسالقى قىزمەت كورسەتۋدە – 15%، ونەركاسىپتە – 13% قارجىلىق قولداۋ الدى. بۇدان باسقا، جوبالاردىڭ 60%-ى نەگىزگى قۇرالداردى، ءۇي-جايلاردى، جابدىقتاردى ساتىپ الۋعا قارجىلاندىرىلادى. ساۋدا سالاسىندا نەسيەلەر اينالىم قاراجاتىنا الىنادى.
قاليبەك اقىلبەكوۆ قاراشا ايىندا رەسپۋبليكالىق بيۋدجەتتەن «بيزنەستىڭ جول كارتاسى» باعدارلاماسى بويىنشا 1 ملرد تەڭگە كولەمىندە قوسىمشا قارجى ءبولۋ جوسپارلانعانىن ايتتى. وسىلايشا، مەملەكەت بيزنەسكە قولداۋ كورسەتۋدى جالعاستىرادى، بۇل پاندەميا كەزىندە وتە ماڭىزدى.
كاسىپكەرلىك جانە ينۆەستيسيالار باسقارماسى باسشىسى ورىنباسارىنىڭ ايتۋىنشا، قولدانىستاعى ءتۇرلى باعدارلامالاردىڭ ارقاسىندا الماتى كاسىپكەرلەرى ەكونوميكالىق بەلسەندىلىكتى جالعاستىرۋدا، جۇمىسسىزدىققا جول بەرىلمەيدى.
«ءبىزدىڭ قالامىزدا داعدارىسقا قارسى ءتۇرلى شارالار جۇزەگە اسىرىلۋدا، ولاردىڭ ءبىرى – شاعىن جانە ورتا بيزنەس سۋبەكتىلەرىنە مەملەكەتتىك گرانتتار ۇسىنۋ. ەگەر 2018-2019 جىلدارى جىل سايىنعى بيۋدجەت 145 ملن تەڭگەنى قۇراسا، ورتا ەسەپپەن 80 جوبا قارجىلاندىرىلسا، 2020 جىلى پاندەميا كەزىندە قارجىلاندىرۋ سوماسى 5 ملن تەڭگەگە دەيىن ءوستى»، - دەدى قاليبەك اقىلبەكوۆ.
سپيكەردىڭ ايتۋىنشا، وتكەن جىلى جەرگىلىكتى بيۋدجەتتەن 705 ملن تەڭگە بولىنگەن. 2021 جىلى بۇل ءۇردىس ساقتالدى جانە بيۋدجەت 700 ملن تەڭگەنى قۇرادى.
«كوكتەمدە ءبىرىنشى كەزەڭدە 421 جوبا قارالىپ، 513 ملن تەڭگەگە 162 جوبا قولداۋ تاپتى، ونىڭ ىشىندە حالىقتىڭ الەۋمەتتىك وسال توپتارى ساناتى بويىنشا – 106 جوبا. نەگىزىنەن ونەركاسىپ سالاسىنداعى جوبالار قارجىلاندىرىلدى، ولار شامامەن 69%-دى قۇرايدى. قازىرگى ۋاقىتتا گرانتتاردى كونكۋرستىق ىرىكتەۋدىڭ ەكىنشى كەزەڭى ءجۇرىپ جاتىر. ءقازىردىڭ وزىندە 1 300 ءوتىنىم كەلىپ ءتۇستى»، - دەپ جالعاستىردى ءسوزىن قاليبەك اقىلبەكوۆ.
ۆەدومستۆو باسشىسىنىڭ ورىنباسارى الماتىلىق كاسىپكەرلەر ەكونوميكالىق ءوسىم قارقىنىن جەدەلدەتۋگە ىقپال ەتىپ، جۇمىس ورىندارىن اشاتىنىن اتاپ ءوتتى.
«2020 جىلى قارجىلاندىرىلعان جوبالار مونيتورينگىنىڭ ناتيجەلەرى بويىنشا قازىرگى ۋاقىتتا جوبالاردىڭ شامامەن 30%-ى ىسكە قوسىلدى، 105 جۇمىس ورنى قۇرىلدى»، - دەپ اتاپ ءوتتى سپيكەر.
ءسوزىنىڭ سوڭىندا ق. اقىلبەكوۆ الماتىنىڭ شوب قالا ەكونوميكاسىنىڭ نەگىزىن قۇرايتىنىن، سوندىقتان وعان Qoldaý كاسىپكەرلىك ورتالىعىندا ءاردايىم كومەكتەسۋگە دايىن ەكەنىن اتاپ ءوتتى. مۇندا بارلىق تىلەك بىلدىرۋشىلەر مەملەكەتتىك قولداۋ قۇرالدارى بويىنشا، ونىڭ ىشىندە «بيزنەستىڭ جول كارتاسى» اياسىندا تەگىن كەڭەستەر الا الادى. ول ءۇشىن بايزاقوۆ كوشەسى، 303، 2 قابات «ينۆەستيسيالار ءۇيى» مەكەنجايى بويىنشا حابارلاسۋعا بولادى.