اۋرۋدى جۇقتىرۋدىڭ نەگىزگى ورىندارى ايتىلدى.
كوزگە كورىنەر ءقاۋىپتىڭ بولماۋىنا بايلانىستى حالىقتىڭ جەكە قاۋىپسىزدىك شارالارىن تومەندەتۋى، قوعامدىق ورىنداردا جانە كولىكتە ماسكا رەجيمىن ساقتاماۋى تۇرعىندارداعى ينفەكسيانىڭ ءوسۋ سەبەپتەرىنىڭ ءبىرى، دەپ حابارلايدى Almaty-akshamy.kz.
بۇل مالىمەتتى الماتى قالاسىنىڭ سانيتاريالىق-ەپيدەميولوگيالىق باقىلاۋ دەپارتامەنتىنىڭ باسشىسى، قالانىڭ باس مەملەكەتتىك سانيتار دارىگەرى جانداربەك بەكشين الماتى قالاسىندا وتكەن ونلاين بريفينگتە ايتىپ ءوتتى.
«بۇگىنگى كۇنى ەپيدەميولوگيالىق تەكسەرۋ ناتيجەلەرى بويىنشا ساۋدا وبەكتىلەرى – 32 %، وتباسىلارداعى بايلانىستار – 16%، قوعامدىق كولىك – 17،1%، بازارلار – 13% اۋىرعانداردى جۇقتىرۋدىڭ نەگىزگى ورىندارى بولىپ تابىلادى»، - دەيدى باس سانيتار.
سونىمەن قاتار ول تۇرعىنداردىڭ ينفەكسيالانۋىنىڭ ءوسۋ سەبەپتەرىن اتادى. ولاردىڭ قاتارىندا كوزگە كورىنەر ءقاۋىپتىڭ بولماۋىنا بايلانىستى حالىقتىڭ جەكە قاۋىپسىزدىك شارالارىن تومەندەتۋى، تۇرعىنداردىڭ قوعامدىق ورىنداردا جانە كولىكتە ماسكا رەجيمىن ساقتاماۋى.
COVID-19 ۆيرۋسى دەلتا نۇسقاسىنىڭ جوعارى جۇقپالىلىعى مەن پاتوگەندىگىن ايتقان ج. بەكشين وتباسىنا ينفەكسيا تۇسكەن كەزدە وتباسىنىڭ بارلىق مۇشەلەرى جۇقتىراتىنىن، 95% كلينيكالىق كورىنىستەرمەن اۋىراتىنىن جەتكىزدى.
سونداي-اق، 1-ەشەلونداعى ينفەكسيالىق توسەكتەردىڭ 95%-ى، ستاسيونارلاردا اۋىر جانە اسا اۋىر جاعدايلاردا ناۋقاستاردىڭ 45%-ى جۇمىسپەن قامتىلعاندار ەكەنىن دە ايتتى.
قوعامدىق تاماقتاندىرۋ كاسىپورىندارىندا، قالا ماڭى ايماعىندا جانە جالعا الىنعان كوتتەدجدەردە جاپپاي وتباسىلىق ءىس-شارالاردى، توي، مەرەيتويلاردى تىيىم سالىنعانىنا قاراماستان، حالىقتىڭ ۇيىمداستىرۋى ينفەكسيالانۋدىڭ وسۋىنە سەبەپ بولىپ وتىر. ازاماتتاردىڭ ءبىر بولىگىنىڭ ۆاكسيناسيالاۋدىڭ پايداسى تۋرالى كۇماندارىنىڭ جالعاسۋى دا ينفەكسيالانۋدىڭ وسۋىنە سەبەپ.
«ەپيدەميولوگيالىق تالداۋ ناتيجەسى بويىنشا بۇگىنگى كۇنى جۇقتىرعانداردىڭ 34%-ى - 20-دان 40 جاسقا دەيىنگى جاستار»، - دەپ اتاپ ءوتتى ج. بەكشين.
قوعامدىق ورىندارعا: ءدامحانالارعا، مەيرامحانالارعا، تۇنگى كلۋبتارعا بەلسەندى تۇردە بارىپ، ۆاكسينا ەگۋدى جانە بەتپەردە رەجيمىن ساقتاۋدى قالامايتىندار كىناسىنەن ينفەكسيانى كوپ وتباسى مۇشەلەرى جۇقتىراتىندىعى، ال بۇل قالاداعى بارلىق كۆي جاعدايلارىنىڭ 70% - دان استامىن قۇرايتىنى ايتىلدى.
«ەپيدەميولوگيالىق جاعدايدى تۇراقتاندىرۋ جانە ءبىلىم بەرۋ مەكەمەلەرىندە جاڭا وقۋ جىلىن شتاتتىق رەجيمدە ۇيىمداستىرۋ ماقساتىندا حالىقتى جەدەل ۆاكسيناسيالاۋعا جانە قوعامدىق ورىندار مەن قوعامدىق كولىكتەردە بەتپەردە رەجيمىن ساقتاۋعا، ادامدار كوپ جينالاتىن وبەكتىلەرگە، تۇنگى كلۋبتارعا، مەيرامحانالارعا، كافەلەرگە بارماۋعا، ءۇي جاعدايىندا بۇقارالىق ءىس-شارالاردى شەكتەۋگە شاقىرامىن»، - دەدى جانداربەك بەكشين.