ۆاكسيناسيا بالالاردىڭ دەنساۋلىعىن قورعاپ، ينفەكسيا تىزبەگىن ۇزۋگە كومەكتەسەدى.
بۇل مالىمەتتەردى قالالىق ءبىلىم باسقارماسىنىڭ باسشىسى ءلاززات جىلقىبايەۆا وڭىرلىك كوممۋنيكاسيالار قىزمەتىنىڭ بريفينگى بارىسىندا ايتتى. ونىڭ ايتۋىنشا، مەديسينالىق قارسىلىقتارى بارلاردى قوسپاعاندا، مۇعالىمدەردىڭ 100% ەكپە ءتولقۇجاتىن العان، دەپ حابارلايدى Almaty-akshamy.kz.
ل.جىلقىبايەۆا ءبىلىم بەرۋ قىزمەتكەرلەرىنە ۆاكسيناسيا بالالاردىڭ دەنساۋلىعىن قورعاۋعا، ينفەكسيا تىزبەگىن ۇزۋگە جانە كوروناۆيرۋستىڭ تارالۋىن وقشاۋلاۋعا كومەكتەسەدى دەگەن ويدا.
الماتى قالالىق ءبىلىم باسقارماسىنىڭ باسشىسى پاندەميا ءبىلىم بەرۋ جۇيەسىن ونلاين رەجيمىنە كوشۋگە ماجبۇرلەدى، ءبىراق ءداستۇرلى فورماتا وقۋمەن ەشنارسە تەڭەسە المايدى. سوندىقتان قىركۇيەك ايىندا وفلاين رەجيمدە جۇمىس ىستەۋ ءۇشىن مەكتەپتەردە بارلىق مۇعالىمدەر مەن باسقا قىزمەتكەرلەرگە ۆاكسيناسيا جۇرگىزىلدى.
اتاپ ايتسا، 26 تامىزدا الماتىدا ءبىرىنشى كومپونەنتپەن - 3 894 ادام، ەكىنشىسىمەن - 7 357 ادام ۆاكسينالاندى. بارلىعى 2021 جىلدىڭ 1 اقپانىنان 26 تامىزىنا دەيىنگى كەزەڭدە 856 899 ادام ءبىرىنشى كومپونەنتپەن، 706 424 ادام ەكىنشى كومپونەنتپەن ەگىلدى. ۆاكسينالانعان ادامداردىڭ جالپى سانىنان 60 جاستان اسقان ادامدار 110 236 ادامدى قۇرايدى.
قالادا مەديسينالىق ۇيىمداردا، مەكتەپتەردە، مادەني جانە سپورتتىق نىسانداردا، بازارلار مەن ساۋدا ورتالىقتارىندا 160 ەكپە پۋنكتى بار. 1028 ادامنان تۇراتىن 237 ەكپە بريگاداسى جۇمىلدىرىلدى.