بەكشين قىزمەتىنەن كەتكەن سوڭ نەمەن اينالىساتىنىن ايتتى

بولجامى اينا قاتەسىز كەلەتىن تانىمال دارىگەر  مەملەكەتتىك قىزمەتپەن ءبىرجولا قوشتاسپاق

جانداربەك بەكشين زەينەتكە شىعادى. بولجامى اينا قاتەسىز كەلەتىن تانىمال دارىگەر  مەملەكەتتىك قىزمەتپەن ءبىرجولا قوشتاسپاق، دەپ حابارلايدى Almaty-akshamy.kz «استانا» تەلەارناسىنا سىلتەمە جاساپ.

دەنساۋلىق ساقتاۋ سالاسىنىڭ ۇزدىگى، سالادا 40 جىلداي ەڭبەك ەتكەن كاسىبي مامان ەندى جەكە جۇمىستارىمەن اينالىسپاق. ءبىراق كوروناۆيرۋسپەن دە سوڭىنا دەيىن كۇرەسەمىن دەيدى.  

«زاڭ بويىنشا ءبىر رەت قانا ءبىر جىلعا شارتتى ۇزاتۋعا بولادى. بىلتىر ماعان ءبىر جىلعا ۇزارتتى. ەكى رەت ۇزارتۋعا بولمايدى. قىسقا بولسا دا، ۇزاق بولسا دا ەڭبەك دەمالىسىنا بارۋ كەرەك. سوندىقتان مەن دۇيسەنبىدەن 4 قاڭتارعا دەيىن ەڭبەك دەمالىسىندا بولامىن. 5 قاڭتاردان باستاپ جۇمىسىم اياقتالادى»، - دەدى الماتى قالالىق باس سانيتارلىق دارىگەرى جانداربەك بەكشين.

جانداربەك بەكشين سونداي-اق ءوز قۇپياسىن ءبولىستى. ياعني، كوروناۆيرۋستىڭ قاشان ازايىپ، قاشان كوبەيەتىنىن قالاي بولجايتىنىن ايتتى.

«2009 جىلعى تۇماۋ پاندەمياسىنىڭ ناتيجەسىن قاراپ، سەبەپتەرىن ءتۇسىندىم. ەپيدەميا، پاندەميا كەلەتىنىن، ۆيرۋستار بولاتىنىن ءبىلدىم. ءبىلىمىمنىڭ ارقاسىندا جانە جاڭا بىلىممەن وسىنداي بولجامدار بەرىپ تۇردىم عوي. بۇل جۇمىستى جۇيەلى تۇردە جاسادىق»، - دەدى جانداربەك بەكشين.

ايتا كەتۋ كەرەك، جانداربەك بەكشين – پاندەميا باستالعالى ۆيرۋسپەن بەلسەندى كۇرەسىپ جۇرگەن بىردەن-بىر مامان. كوروناۆيرۋستىڭ قاشان كەلەتىنىن دە ءوزى ايتىپ ەدى. كۇنى كەشە الماتىعا «وميكرون» شتامى ناۋرىز ايىندا كەلەتىنىن جەتكىزدى. ىندەتتىڭ شارىقتاۋ كەزى سول كەزگە سايكەس كەلەدى دەيدى. 
سونىمەن بىرگە، قالانىڭ باس سانيتار دارىگەرى قىزمەتىن دۇيسەنبىدەن باستاپ قارلىعاش ءابدىجاپپاروۆا ۋاقىتشا اتقاراتىن بولادى.