10 جولاقتى جول سالىندى
«التىن وردا» بازارى اۋدانىنداعى جاڭا نەگىزگى جول وتكەلىندە كولىك قوزعالىسى اشىلدى. بۇل تۋرالى ق ر يندۋستريا جانە ينفراقۇرىلىمدىق دامۋ مينيسترلىگى حابارلادى.
«2021 جىلعى 25 جەلتوقساندا يندۋستريا جانە ينفراقۇرىلىمدىق دامۋ ءمينيسترى بەيبىت اتامقۇلوۆ جانە الماتى وبلىسىنىڭ اكىمى قانات بوزىمبايەۆتىڭ قاتىسۋىمەن «التىن وردا» بازارى اۋماعىندا الماتى-رايىمبەك ۋچاسكەسىندەگى جاڭا ماگيسترالدىق جول وتكەلىندە كولىك قوزعالىسىنىڭ اشىلۋى ءوتتى»، - دەپ حابارلادى ق ر ييدم باسپا ءسوز قىزمەتى.
جول ۋچاسكەسىندە نەگىزگى ماگيسترالدىق ەستاكادا، «پودۆودكا» كەرى وتپە جولى، اقساي وزەنى ارقىلى وتەتىن كوپىر جانە بيىك جاياۋ جۇرگىنشىلەر كوپىرلەرى سالىندى.
سونىمەن قاتار ترانزيتتىك، قوعامدىق جانە جەرگىلىكتى كولىكتەر ءۇشىن ينجەنەرلىك كوممۋنيكاسيالاردى قايتا جاڭعىرتۋ ارقىلى 4 شاقىرىمعا 10 جولاقتى جول سالىندى.
جوبانى جۇزەگە اسىرۋعا 200-دەن استام جۇمىسشى مەن 50 تەحنيكا جۇمىلدىرىلدى، ونىڭ ىشىندە كۇردەلى قوسالقى قۇرىلىمدار مەن ءمونوليتتى قوندىرمانىڭ بۇكىل ۇزىندىعى بويىنشا جۇمىستاردى جابۋعا ارنالعان جابدىقتار.
«التىن وردا»، «بارلىق» ءىرى بازارلارى مەن «Mall Aport» ساۋدا ويىن-ساۋىق ورتالىعى ورنالاسۋىن ەسكەرە وتىرىپ، كولىك قوزعالىسىنىڭ اشىلۋى وسى ۋچاسكەدەگى وتكىزۋ قابىلەتتىلىگىن ارتتىرۋعا، تۇرعىندارعا قولايلى جاعدايلاردى جاقسارتۋعا جانە ازاماتتاردىڭ بيزنەس جۇرگىزۋى ءۇشىن ينفراقۇرىلىمدىق ماسەلەلەردى شەشۋگە وڭ اسەر ەتەدى»، - دەلىنگەن حابارلامادا.