ءتورت قاتىسۋشى اراسىنداعى جەڭىمپاز 30 جەلتوقساندا انىقتالادى
قازاقستاندىق الىشەر كارىموۆ پەن Amre لاقاپ اتپەن تانىمال ەرنار سادىربايەۆ رەسەيلىك «گولوس» شوۋىنىڭ فينالىنا ءوتتى، - دەپ حابارلايدى Almaty-akshamy.kz Tengrinews.kz-كە سىلتەمە جاساپ.
جارتىلاي فينالدا ءار تالىمگەردىڭ كومانداسىنان ەكى ادام ونەر كورسەتتى. ەرنار سادىربايەۆ ديما بيلاننىڭ توبىندا.
ساحنادا ول «پودبەري مۋزىكۋ» (ءماتىن اۆتورى اندرەي ۆوزنەسەنسكيي، كومپوزيتور رايموند پاۋلس) كومپوزيسياسىن ورىندادى.
شاكىرتتەرىنىڭ ونەرىنەن كەيىن ديما بيلان 60 پايىز داۋىسىن ەرنار سادىربايەۆقا، 40 پايىزىن يلحام تاگيروۆقا بەردى.
كورەرمەندەر داۋىس بەرگەننەن كەيىن Amre جالپى 128،5 پايىز جيناپ، فينالعا شىقتى. تاگيروۆتا 71،5 پايىز داۋىس بولدى.
تاعى ءبىر قازاقستاندىق الىشەر كارىموۆ فينالعا شىعۋ ءۇشىن رەسەيلىك تاتيانا كاچۋرينامەن ب ا ق سىناستى. ولاردىڭ كومانداسى بيىل 28 قاراشادا الەكساندر گرادسكيي قايتىس بولعاننان كەيىن تالىمگەرسىز قالعان ەدى.
الىشەر كارىموۆ «يا تەبيا نيكوگدا نە زابۋدۋ» (ءماتىن اۆتورى اندرەي ۆوزنەسەنسكيي، كومپوزيتور الەكسەي رىبنيكوۆ) ءانىن ورىندادى.
فيناليست كورەرمەندەردىڭ داۋسىمەن تاڭدالدى. ناتيجەسىندە الىشەر كارىموۆ 52 پايىز، تاتيانا كاچۋرينا 48 پايىز جينادى. وسىلايشا قازاقستاندىق ءانشى شوۋ فينالىنا ءوتتى.
جالپى «رەسەي داۋىسى» شوۋىنىڭ فينالىنا الىشەر كارىموۆ، ەرنار سادىربايەۆ، الەكساندر ۆولكوداۆ جانە ەلينا پان شىقتى.
ءتورت قاتىسۋشى اراسىنداعى جەڭىمپاز 30 جەلتوقساندا انىقتالادى.