قوعام قايراتكەرى قازاقستاندا اتوم ەلەكتر ستانسياسىن سالۋ جونىندەگى الداعى رەفەرەندۋمدى قولدايتىنىن ءبىلدىردى.
- بۇل ماڭىزدى جانە وڭ قادام. مەنىڭ ويىمشا، ەلدىڭ ەنەرگەتيكالىق ينفراقۇرىلىمى قالاي داميتىنىن حالىق ءوزى شەشۋى كەرەك. مۇنداي ءتاسىل دەموكراتيالىق قاعيداتتاردى نىعايتىپ، ءار ازاماتقا ماڭىزدى ماسەلەلەر بويىنشا ءوز پىكىرىن بىلدىرۋگە مۇمكىندىك بەرەدى، - دەدى بەكنۇر كيسيكوۆ.
قوعام قايراتكەرىنىڭ ايتۋىنشا، كوپتەگەن دامىعان ەلدەر ەنەرگەتيكالىق قاۋىپسىزدىك پەن تۇراقتى دامۋدى قامتاماسىز ەتۋ ءۇشىن اتوم ەنەرگياسىن بۇرىننان پايدالانىپ كەلەدى.
- قازىرگى زامانعى اتوم ەلەكتر ستانسيالارى قاۋىپسىزدىك جۇيەلەرىنىڭ الدىڭعى قاتارلى تەحنولوگيالارىمەن جابدىقتالعان، ولار حالىقارالىق قاتاڭ ستاندارتتارعا سايكەس كەلەدى. بۇل كومىرتەگى ءىزىن ازايتىپ قانا قويماي، تۇراقتى ەنەرگيامەن قامتاماسىز ەتەدى. رەفەرەندۋم حالىقتىڭ «بىزگە اەس قاجەت پە؟»، «ونىڭ قانداي ارتىقشىلىقتارى بار؟»، «قاۋىپسىزدىك قالاي قامتاماسىز ەتىلەدى؟» دەگەن سياقتى ماڭىزدى سۇراقتارعا قاتىستى پىكىرىن بىلۋگە مۇمكىندىك بەرەدى. ءاربىر ازاماتتىڭ پىكىرىن ەسكەرۋ ماڭىزدى. ءبىز العا جىلجىپ، ەلىمىزدىڭ جانە ونىڭ بولاشاق ۇرپاقتارىنىڭ مۇددەلەرىنە قىزمەت ەتەتىن سالماقتى شەشىمدەر قابىلداۋىمىز كەرەك.