الماتىدا “كيبەرپول” قىزمەتكەرلەرى جالدامالى الاياقتاردى ۇستادى.
انىقتالعانداي، ەكى جاس جىگىت الاياقتاردىڭ قىلمىستىق جولمەن تاپقان اقشاسىن قولما-قول اقشاعا اينالدىرۋعا كومەكتەسكەن.
اقشالاي سىياقى ءۇشىن ولار وزدەرىنىڭ بانك كارتالارىن جانە جەكە ءموبيلدى بانك شوتتارىن قاسكويلەرگە بەرگەن، دەپ حابارلايدى aqshamnews.kz Polisia.kz-كە سىلتەمە جاساپ.
– جابىرلەنۋشىلەردىڭ ءبىرى الاياقتىق جولمەن 20 ميلليون تەڭگەنى جوعالتىپ العان. جوعارىدا اتالعان كۇدىكتىلەردىڭ كارتوچكالارى ارقىلى الاياقتار اقشاعا اينالدىرعان. اتالعان دەرەك بويىنشا قىلمىستىق ءىس تەرگەلىپ جاتىر. ەڭ الدىمەن جالدامالى الاياقتار انىقتالدى جانە ۇستالدى. ولار قاماۋعا الىندى. الاياقتىققا قاتىسقانى ءۇشىن 5 جىلعا دەيىنگى مەرزىمگە باس بوستاندىعىنان ايىرۋ تۇرىندەگى جاۋاپكەرشىلىك قاراستىرىلعانىن اتاپ وتكىم كەلەدى، – دەدى، الماتى قالالىق پد كريمينالدىق پوليسيا باسقارماسىنىڭ باستىعى ماقسات قاناپيايەۆ.
سونىمەن قاتار الماتى پوليسياسى تۇرعىندارعا قىراعىلىق پەن ساقتىق شارالارىن ەسكە سالادى. جەكە نەمەسە قارجىلىق اقپاراتىڭىزدى ەشكىمگە ايتپاڭىز. كۇدىكتى قوڭىراۋلارعا جاۋاپ بەرمەڭىز جانە وسىنداي دەرەكتەر تۋرالى دەرەۋ قۇقىق قورعاۋ ورگاندارىنا حابارلاڭىز. پايدالانۋ ءۇشىن بانك كارتالارىن، دەرەكتەمەلەرىن، ءموبيلدى بانكينگ قۇپيا سوزدەرىن ءۇشىنشى ادامدارعا بەرمەڭىز. ەگەر ءسىز اقشانىڭ قايدان شىققانىن جانە جىبەرۋشىنى بىلمەسەڭىز، بانك كارتاسىنا اقشانى قابىلداماڭىز.