الماتىدا 9-13 قىركۇيەك ارالىعىندا كوشەلەردى، ينفراقۇرىلىمدى، اۋلالاردى، وزەن مەن سۋ ايدىندارىن تازالاۋ بويىنشا اۋقىمدى جۇمىس جۇرگىزىلەدى.
الماتىدا قالا كۇنى قارساڭىندا 9-13 قىركۇيەك ارالىعىندا «الماتى – ءبىزدىڭ ورتاق ءۇيىمىز» قالالىق ناۋقانى جانە «تازا قازاقستان» رەسپۋبليكالىق باعدارلاماسى اياسىندا كوشەلەردى، قالا ينفراقۇرىلىمىن، اۋلا اۋماقتارىن، بالالار الاڭدارىن، سۋبۇرقاقتاردى، وزەندەر مەن سۋ ايدىندارى جاعالاۋىن، ساياباقتار، سكۆەرلەر مەن تاۋ باۋرايىن تازالاۋ بويىنشا اۋقىمدى جۇمىس جۇرگىزىلەدى، دەپ حابارلايدى aqshamnews.kz
ءبىر اپتا بويى 25،1 ملن م² اۋماقتى الىپ جاتقان 2 318 كوشەنى، ۇزىندىعى 2 777 كم بولاتىن جولداردى تازارتۋ جۇمىستارى قارقىندى جۇرگىزىلەدى. ايتا كەتەيىك، كۇن سايىن قالا كوشەلەرىنەن 150 توننادان استام قوقىس شىعارىلادى. ماگيسترالدىق كوشەلەر كۇنىنە ەكى رەت، ال اۋداندىق ماڭىزى بار كوشەلەر كۇندەلىكتى تازارتىلادى. كوممۋنالدىق قىزمەت 56 جەراستى جانە 78 جەرۇستى جاياۋ جۇرگىنشىلەر وتكەلىن، 1 765 ايالداما پاۆيلونىە، 480 باعدارشام نىسانىن، جارىقتاندىرۋ قۇرالدارىن، كورسەتكىشتەردى، تۋريستىك توتەمدەردى، قوعامدىق دارەتحانالاردى تازالايدى. سونىمەن قاتار، 1 454 كونتەينەرلىك الاڭدار سانيتارلىق تازارتىلىپ، جۋىلىپ، زالالسىزداندىرىلادى، 24 747 كوشە جانە اۋلالاعى قوقىس جاشىكتەرى تازارتىلادى.
قوقىستان تازارتۋ جۇمىستارى اۋلالاردا، بالالار جانە سپورت الاڭدارىندا دا جۇرگىزىلەدى. قالاداعى سۋبۇرقاقتاردى، سونىڭ ىشىندە جاياۋ جۇرگىنشىلەر سۋبۇرقاقتارىن تازالاۋ، جۋۋ جانە قايتا جوندەۋ جۇمىستارى جالعاسادى. الماتىدا كوممۋنالدىق مەنشىك يەلىگىندە 66 سۋبۇرقاق بار، ونىڭ 6-ۋى سۋبۇرقاعى جوندەلىپ جاتىر جانە 13 زاماناۋي جاياۋ جۇرگىنشىلەر سۇرباعى بار.
250 شارشى شاقىرىمدى قۇرايتىن وزەندەر مەن سۋ قويمالارىنىڭ جاعالاۋى، ساياباقتار، سكۆەرلەر مەن تاۋ بوكتەرلەرى دە رەتكە كەلتىرىلەدى. اپاتتىق جاعدايداعى اعاشتاردىڭ بۇتاقتارىن سانيتارلىق ماقساتتا كەسۋ مەن كەسىپ الىپ تاستاۋ جۇمىستارى جالعاسادى.
الماتى قالاسى كۇنى جىلداعىداي قىركۇيەك ايىنىڭ ءۇشىنشى جەكسەنبىسىندە اتاپ وتىلەدى.
