بەيسەنبىدە ەلىمىزدىڭ باسىم بولىگىندە اپتاپ ىستىق بولادى

تۇراقسىز اۋا رايى ساقتالادى

قازگيدرومەت سينوپتيكتەرى 14 شىلدە، بەيسەنبىگە ارنالعان اۋا رايى بولجامىن جاريالادى، دەپ حابارلايدى Almaty-akshamy.kz.

اتموسفەرالىق فرونتتاردىڭ اسەرىنەن قازاقستان تەرريتروياسىنىڭ باسىم بولىگىندە تۇراقسىز اۋا رايى ساقتالادى – نايزاعاي جارقىلداپ، جاڭبىر جاۋادى، جەل كۇشەيەدى. ەلىمىزدىڭ وڭتۇستىگىندە - شاڭدى داۋىل، باتىسىندا، وڭتۇستىك-شىعىسىندا – بۇرشاق، سولتۇستىگىندە - تۇندە تۇمان تۇسەدى. تەك قازاقستاننىڭ وڭتۇستىگى، وڭتۇستىك-باتىسى، سولتۇستىك-باتىسى مەن ورتالىعىندا جاۋىن-شاشىن جاۋمايدى. تۇركىستان، قىزىلوردا، اتىراۋ وبلىستارىنىڭ باسىم بولىگىندە، باتىس قازاقستان وبلىسىنىڭ وڭتۇستىگىندە، قوستاناي وبلىسىنىڭ باتىسىندا، ورتالىعىندا، جامبلى وبلىسىنىڭ وڭتۇستىگىندە توتەنشە ءورت ءقاۋپى ساقتالادى. كۇندىز باتىس قازاقستان، اتىراۋ، اقتوبە، قوستاناي وبلىستارىنىڭ باسىم بولىگىندە، سولتۇستىك قازاقستان، ۇلىتاۋ وبلىستارىنىڭ وڭتۇستىگىندە، تۇركىستان وبىسىنىڭ وڭتۇستىگىندە، باتىسىندا اپتاپ ىستىق بولادى. كۇندىز ماڭعىستاۋ وبلىسىنىڭ باسىم بولىگىندە، باتىس قازاقستان، اتىراۋ، اقتوبە، قوستاناي وبلىستارىنىڭ وڭتۇستىگىندە وتە قاتتى ىستىق بولادى. نۇر-سۇلتان قالاسىندا كوشپەلى بۇلت شىعادى، جاۋىن-شاشىن جاۋمايدى. اۋىسپالى باعىتتاردان جەل سوعادى، كۇشى - 2-7 م/س. اۋانىڭ تەمپەراتۋراسى تۇندە 14-16، كۇندىز 29-31 گرادۋس جىلى بولادى. الماتى قالاسىندا كوشپەلى بۇلت، جاۋىن-شاشىنسىز. سولتۇستىك-شىعىستان جەل سوعادى، كۇشى 3-8 م/س. اۋانىڭ تەمپەراتۋراسى تۇندە 18-20، كۇندىز 29-31 گرادۋس جىلى بولادى. شىمكەنتتە دە كوشپەلى بۇلت، جاۋىن-شاشىن جوق. شىعىستان جەل سوعادى، كۇشى 8-13 م/س. اۋانىڭ تەمپەراتۋراسى تۇندە 19-21، كۇندىز 35-37 گرادۋس جىلى بولادى.