الەۋمەتتىك نىساندار بوي كوتەرەدى
بيىل دامۋ الەۋەتى بار 576 اۋىلدا 1100-دەن اسا جوبا ىسكە اسادى. ەلدى مەكەندەردە الەۋمەتتىك نىساندار بوي كوتەرەدى، ەسكىلەرى جوندەلەدى، دەپ حابارلايدى Almaty-akshamy.kz ق ر ۇلتتىق ەكونوميكا مينيسترلىگىنىڭ باسپا ءسوز قىزمەتىنە سىلتەمە جاساپ.
سونىمەن قاتار، اۋىل ىشىندەگى جولداردى قالىپقا كەلتىرۋ كوزدەلگەن. ق ر ۇلتتىق ەكونوميكا مينيسترلىگىنىڭ باسپا ءسوز قىزمەتى تاراتقان اقپاراتتارعا قاراعاندا، ەلدە «اۋىل - ەل بەسىگى» باعدارلاماسى شەڭبەرىندە 3،5 مىڭنان استام اۋىل ىرىكتەلگەن. اۋقىمدى ءىس-شارالار «قۋاتتى وڭىرلەر – ەل دامۋىنىڭ درايۆەرى» ۇلتتىق جوباسى اياسىندا قولعا الىنىپ وتىر. سونىمەن قاتار، جاس مامانداردى اۋىلعا تارتۋ جۇمىستارى دا جالعاسادى. باسپانا الۋ مەن سالۋ ءۇشىن دە بيۋدجەتتىك نەسيە قاراستىرىلعان.
«ديپلوممەن اۋىلعا» جوباسى جۇزەگە اسىرىلۋدا. بيىل وسى جوبا بويىنشا رەسپۋبليكالىق بيۋدجەتتەن 20 ملرد تەڭگە ءبولىندى. جىلدىڭ سوڭىنا دەيىن 4300 جاس ماماندى اۋىلدىق ەلدى مەكەنگە تارتۋ جوسپارلانعان»،-دەيدى ق ر ۇلتتىق ەكونوميكا مينيسترلىگى وڭىرلىك دامۋ دەپارتامەنتى ديرەكتورىنىڭ ورىنباسارى نۇرلان ماقسۇتوۆ.