«Astana Media Week – 2021» جىل سايىنعى مەديااپتالىعى باستالدى
ءىس-شاراعا بەدەلدى الەمدىك باق-تىڭ توپ-مەنەدجەرلەرى، مەملەكەتتىك اپپارات وكىلدەرى، تانىمال جۋرناليستتەر، دوكۋمەنتاليستەر جانە اقش، ۇلىبريتانيا، رەسەي، قازاقستان، وزبەكستان، قىرعىزستان بلوگەرلەرى قاتىسادى. AMW-2021 بارىسىندا حالىقارالىق مەدياقاۋىمداستىق مۇشەلەرى اقپاراتتىق كۇن ءتارتىبىنىڭ وزەكتى ماسەلەلەرىن كوتەرەدى، دەپ حابارلايدى Almaty-akshamy.kz.
Astana Media Week-2021 ەكى كۇنگە سوزىلادى. AMW-2021 ءىس-شاراسى ونلاين جانە وفلاين-الاڭداردا دا جوسپارلانعان. سونىمەن، ونلاين رەجيمىندە «دەرەكتى كينو: تاجىربيەسى مەن بولاشاعى» دوڭگەلەك ۇستەلى جانە «مەديانى دامىتۋ ستراتەگياسى» كونفەرەنسياسى وتەدى. بۇل تالقىلاۋلارعا 5 ەلدىڭ سپيكەرلەرى قوسىلادى.
«وتكىر الەۋمەتتىك تاقىرىپتاردى قامتۋ ەرەكشەلىكتەرى» جانە «قازاق ءتىلدى باسپالاردىڭ بولاشاعى» اتتى دوڭگەلەك ۇستەلدەرى ساراپشىلاردىڭ، مەديامەنەدجەرلەردىڭ، جۋرناليستەر مەن قوعامدىق پىكىر كوشباسشىلارىنىڭ باسىن قوسادى.
سونىمەن قاتار Formats Day ءىس-شاراسى ۇيىمداستىرىلادى. وندا الەمدەگى ەڭ ءىرى تەلەونىم ديستريبيۋتور-كومپانيالارىنىڭ وكىلدەرى ونىمدەرىنىڭ تۇساۋكەسەرلەرىن وتكىزەدى.