بەيجىڭدە «جۇڭگو – ورتالىق ازيا» ادام قۇقىقتارىن دامىتۋ فورۋمى ءوتتى

ءىس-شارانىڭ نەگىزگى لەيتموتيۆى قاۋىپسىزدىك پەن دامۋ ارقىلى ادام قۇقىقتارىن ىلگەرىلەتۋ يدەياسىنا ارنالادى.

جۇڭگو زەرتتەۋشىلەرىنىڭ ايتۋىنشا، كەدەيلىك – ادام قۇقىقتارىن قامتاماسىز ەتۋدەگى باستى كەدەرگى، سول سەبەپتى بۇل سالاداعى حالىقارالىق كۇن ءتارتىبى دامۋشى ەلدەردىڭ ۇستانىمىن كورسەتۋى قاجەت. وسىعان بايلانىستى قىتايدىڭ 10 جىل بۇرىن ۇسىنىلعان «بەلدەۋ جانە جول» جاھاندىق باستاماسى حالىقارالىق ىنتىماقتاستىقتىڭ ەڭ ءىرى پلاتفورماسىنا اينالدى. فورۋمعا ورتالىق ازيانىڭ بەس ەلى مەن قحر-دان 100-دەن استام زەرتتەۋشىلەر، ساراپشىلار، جاستار ۇيىمدارىنىڭ وكىلدەرى باردى، دەپ حابرلايدى Almaty-akshamy.kz. 

ال شىۇ باس حاتشىسى چجان مين جانە اوسشك باس حاتشىسى قايرات سارىباي فورۋم قاتىسۋشىلارىنا بەينەۇندەۋ جولدادى. ق ر پرەزيدەنتى جانىنداعى قسزي-دىڭ ازيالىق زەرتتەۋلەر ءبولىمىنىڭ جەتەكشى ساراپشىسى ءاليا مۇسابەكوۆا «بەلدەۋ جانە جول» باستاماسىن بىرلەسىپ ىسكە اسىرۋ – ادام قۇقىقتارىنىڭ دامۋى مەن ىلگەرىلەۋى» سەسسياسىندا ءسوز سويلەدى.

ول كونستيتۋسيالىق سوتتىڭ جۇمىسى جانە ساياسي جاڭعىرۋ مەن جاڭا ەكونوميكالىق ساياسات تۇرعىسىنان قازاقستانداعى ادام قۇقىقتارىن قامتاماسىز ەتۋ سالاسىنداعى باسقا دا رەفورمالار تۋرالى باياندادى.