الماتىنىڭ ءتارتىپ ساقشىلارى قالا مەكتەپتەرىندە ءدارىس وقۋدا

قۇقىقتىق ءبىلىم بەرۋ، ەڭ الدىمەن الماتىنىڭ جالپى ءبىلىم بەرۋ مەكەمەلەرىندەگى جوعارى سىنىپ وقۋشىلارىن قامتيدى، دەپ حابارلايدى Almaty-akshamy.kz.

Polisia.kz مالىمتىنشە، ءدارىس تاقىرىبى جاسوسپىرىمدەر اراسىنداعى قىلمىستىڭ الدىن الۋعا ارنالعان. 

«مەملەكەت باسشىسى قاسىم-جومارت كەمەل ۇلى توقايەۆ قازاقستان حالقىنا جولداۋىندا ادال ازامات پەن ادەپتى تۇلعانىڭ نەگىزى بالا كەزىنەن قالىپتاساتىنىن، سوندىقتان ءبىز وسكەلەڭ ۇرپاققا ءقاۋىپسىز ءارى الاڭسىز ءومىردى قامتاماسىز ەتۋ كەرەك ەكەنىمىزدى اتاپ ءوتتى. وسى نۇسقاۋلىقتى باسشىلىققا الا وتىرىپ، كامەلەتكە تولماعاندار اراسىنداعى قۇقىق بۇزۋشىلىقتىڭ الدىن الۋ جانە كامەلەتكە تولماعاندارعا قاتىستى قۇقىق بۇزۋشىلىقتىڭ الدىن الۋ، سونداي-اق ولاردىڭ قۇقىقتىق ساۋاتتىلىعىن ارتتىرۋ ماقساتىندا وقۋ جىلىنىڭ باسىنان باستاپ №152، №169، №26 مەكتەپ-گيمنازيا وقۋشىلارىمەن كەزدەسۋ وتكىزىلدى. كەزدەسۋ بارىسىندا وسكەلەڭ ۇرپاقپەن ولاردىڭ قۇقىقتىق ساۋاتتىلىعىنىڭ اسپەكتىلەرىن سىندارلى تۇردە تالقىلادىق، قىلمىس جاساعانى ءۇشىن قىلمىستىق جاۋاپكەرشىلىككە قاتىستى سۇراقتارعا جاۋاپ بەردىك، سونىمەن قاتار تاجىريبەمىزدە ءجيى كەزدەسەتىن بىرنەشە جاعدايلاردى پىسىقتادىق. ەڭ باستىسى – پروفيلاكتيكالىق جانە ءتۇسىندىرۋ جۇمىستارىنا باسا نازار اۋدارىلدى»، – دەدى الاتاۋ اۋداندىق پوليسيا باسقارماسىنىڭ باستىعى ەسەن ىسقاقوۆ.