بۇگىندە استىق القاپتارىنىڭ 28%ء-ى عانا ورىلعان.
بۇل بىلتىرعى كورسەتكىشتەن 2 ەسە تومەن، دەپ حابارلايدى Almaty-akshamy.kz 24.kz-كە سىلتەمە جاساپ.
جاز بويى قۇرعاقشىلىقتان تيتىقتاعان شارۋالار ەگىن جيناۋ قىزاتىن شاقتا جاۋىننان كوز اشا الماي وتىر. ءماجىلىس وتىرىسىندا ديقانشىلاردىڭ جانايقايىن دەپۋتات ايان زەينۋللين جەتكىزدى. ەلدە 5 جىلدا تۇقىم ءوندىرىسى ايتارلىقتاي كەمىدى. ول ازداي تۇقىم شارۋاشىلىعىمەن اينالىساتىن عىلىمي ورتالىقتاردا ۇرلىق-قارلىق ەتەك العان. ونىڭ ۇستىنە قارجىلاي قولداۋ دا ماردىمسىز. عىلىمي مەكەمەلەر جان باعۋ ءۇشىن پايداسى كوبىرەك وزگە داقىلداردى ەگۋگە ءماجبۇر، - دەيدى ول.
«ازىق-تۇلىك كەلىسىمشارت كورپوراسياسىندا جاتقان 362 مىڭ توننا استىق تاۋارلىق باعىتتا، تۇقىم رەتىندە پايدالانىپ جاتساق، ساپاسى تومەن بولادى. شارۋاشىلىقتاردىڭ ونى ەكپەيتىنى بەلگىلى. قيىن-قىستاۋدا ءدان ساتىپ الاتىن كورشىمىز رەسەيدەگى جاعداي دا ءماز ەمەس. ولار وزدەرىندەگى پروبلەمالاردىڭ الدىن الۋ ءۇشىن ەكسپورتقا تۇقىم شىعارۋدى شەكتەۋى مۇمكىن»، - دەيدى ق ر پارلامەنتى ءماجىلىسىنىڭ دەپۋتاتى ايان زەينۋللين.