ەكىجاقتى تاۋار اينالىمى بارىنشا قارقىن الىپ كەلەدى
قحر ءتوراعاسى سي سزينپين فرانسيا پرەزيدەنتى ەممانۋەل ماكرونمەن كەزدەسۋ وتكىزدى. كەزدەسۋ بەيجىڭدەگى تيانانمەن الاڭىندا ورنالاسقان حالىق جينالىسى ۇيىندە ءوتتى، دەپ حابارلايدى Almaty-akshamy.kz قازاقپاراتقا سىلتەمە جاساپ.
سينحۋا اگەنتتىگىنىڭ اقپاراتىنا قاراعاندا، سي سزينپين فرانسيا پرەزيدەنتىنىڭ ءۇش جىلدان كەيىنگى قىتايعا كەزەكتى مەملەكەتتىك ساپارىن قۇپتايتىندىعىن اتاپ وتكەن.
ونىڭ ايتۋىنشا، ەكى تاراپتىڭ بىرلەسكەن كۇش-جىگەرىنىڭ ارقاسىندا قىتاي-فرانسۋز قارىم-قاتىناسى وڭ ءارى تۇراقتى دامۋىن ساقتاپ قالدى. ەكىجاقتى تاۋار اينالىمى دا بارىنشا قارقىن ءوسىپ كەلە جاتىر. ەلدەر اەروعارىش، اۋىل شارۋاشىلىعى، ازىق-تۇلىك جانە وزگە دە سالالاردا وڭ ناتيجەلەرگە قول جەتكىزدى.
قحر ءتوراعاسى جۇڭگو مەن فرانسيا كليماتتىڭ وزگەرۋى، بيوالۋانتۇرلىلىك جانە افريكانى دامىتۋ سىندى ماسەلەلەر اياسىندا دا تىعىز بايلانىس ۇستاناتىندىعىنا توقتالعان.
ول جۇڭگو مەن فرانسيا بۇۇ قاۋىپسىزدىك كەڭەسىنىڭ تۇراقتى مۇشەسى، ءىرى تاۋەلسىز مەملەكەت، سونىمەن قاتار كوپپوليارلى الەم يدەياسى مەن حالىقارالىق قاتىناستاردىڭ دەموكراتيالانۋىن مىعىم جاقتاۋشى رەتىندە ايىرماشىلىقتار مەن شەكتەۋلەردى ەڭسەرۋگە، تۇراقتى، ءوزارا ءتيىمدى، جاڭاشىلدىق باعىتتاردى ۇستانۋعا، قىتاي-فرانسۋز جالپىقامتىمدى ستراتەگيالىق سەرىكتەستىگىن ىلگەرىلەتۋگە، بۇكىل الەمدەگى تۇراقتىلىق پەن وركەندەۋدى قولداۋعا قابىلەتتى ءارى مىندەتتى ەكەندىگىن اتاپ ءوتتى.
«بۇل ساپار قىتايلىق-ەۋروپالىق قارىم-قاتىناستىڭ دامۋىنا تىڭ سەرپىن بەرەتىندىگىن سەنىمدىمىن»، - دەپ اتاپ وتەدى سي سزينپين.