قازاقستاننىڭ قىتايداعى ەلشىلىگى كورمە ۇيىمداستىردى
وندا مەملەكەتىمىزدىڭ قالىپتاسۋ مەن نىعايۋى جانە ەكونوميكامىزدىڭ قارىشتاپ دامۋ كەزەڭى سۋرەتتەلگەن، دەپ حابارلايدى Almaty-akshamy.kz «حابار 24»-كە سىلتەمە جاساپ.
يگى شاراعا مەملەكەتتىك ورگان قىزمەتكەرلەرى مەن ب ا ق وكىلدەرى، ادەبيەت قايراتكەرلەر جانە شەتەلدىك قوناقتار قاتىستى. كەلۋشىلەر ەگەمەن ەلدىڭ تامىرى تەرەڭنەن جايعان تاريحىمەن تانىسىپ قانا قويماي، دومبىرا مەن قوبىز ءۇنىن تىڭداپ، قۇلاق قۇرىشىن قاندىردى. فوتوكورمەگە قازاقستاننىڭ قىتايداعى ەلشىلىگى مۇرىندىق بولدى.
«30 جىل تاۋەلسىزدىگىندە قازاقستان زور جەتىستىكتەرگە جەتتى. بۇگىنگى كورمەدە ەلدەرىڭىزدىڭ قالىپتاسۋى مەن دامۋىنىڭ جارقىن كورىنىسىن كوردىك. كەلەر جىلى قازاقستان مەن جۇڭگو اراسىنداعى ديپلوماتيالىق قاتىناستاردىڭ 30 جىلدىعىن اتاپ وتەمىز. مۇنداي شارالار ەكى ەل ىنتىماقتاستىعىن ودان ءارى نىعايتا تۇسەدى دەگەن سەنىمدەمىز»، - دەيدى قىتايدىڭ حالىقارالىق الماسۋ جاستار ورتالىعى ءتوراعاسىنىڭ ورىنباسارى چجان حۋا.