بەيسەنبى كۇنى بەيجىڭ قالاسىندا وتەتىن قىسقى وليمپيادا ويىندارىنىڭ قاتىسۋشىلارى ءۇشىن بەيجىڭدە ەكى جانە چجانسزياكوۋدا ءبىر وليمپيادا قالاشىعى اشىلدى، دەپ حابارلايدى اlmaty-akshamy.kz inform.kz سىلتەمە جاساپ.
بەيجىدەگى چاويان جانە يانسين اۋداندارىنداعى كەنتتەردە 3500-گە جۋىق توسەك-ورىن قاراستىرىلعان، ال جۇڭگو استاناسىنان سولتۇستىك-باتىسقا قاراي شامامەن 160 شاقىرىم جەردە ورنالاسقان چجانسزياكوۋداعى قالاشىق 4-20 اقپان ارالىعىندا وتەتىن ويىندارعا قاتىساتىن كوماندالاردىڭ شامامەن 2800-گە جۋىق سپورتشى مەن رەسمي تۇلعانى قابىلدايدى.
چاويان كەنتىندە نەگىزىنەن كونكيمەن سىرعاناۋ جارىستارىنا قاتىسۋشىلار تۇراتىن بولسا، يانسيندەگى قالاشىقتا تاۋ شاڭعىشىلارىن قارسى الادى. چجانسزياكوۋ ايماعىنداعى اۋىلدا شاڭعىشىلار، سنوۋبوردشىلار جانە ترامپليننەن سەكىرۋشىلەر تۇراتىن بولادى.
جاپونيانىڭ شايبالى حوككەيدەن ايەلدەر قۇراماسىنىڭ وليمپيادالىق قالاشىققا بەيسەنبى كۇنى تۇستەن كەيىن كەلەتىنى كۇتىلۋدە. سپورتشىلار 3 اقپان كۇنى ۋكەسونگ سپورت ورتالىعىندا وتەتىن العاشقى ويىنىندا شۆەسيا كومانداسىمەن كەزدەسەدى.