شىعۋ كەزىندە تولەم اۆتوماتتى تۇردە ەسەپتەن شىعارىلادى
بەيجىڭ مەتروسىندا جولاۋشىلارعا جول ءجۇرۋ كارتاسىن باسۋدىڭ نەمەسە QR-كودتى سكانەرلەۋدىڭ قاجەتى جوق، دەپ حابارلايدى Almaty-akshamy.kz.
ەندى ولار تولەمدى الاقاندى سكانەرلەۋ ارقىلى جاساي الادى. بۇل تۋرالى قازاقپارات سينحۋا اگەنتتىگىنە سىلتەمە جاساپ جازدى.
بەيجىڭ قالالىق كولىك باسقارماسىنان ءمالىم ەتكەندەي، داسين حالىقارالىق اۋەجايىنا دەيىن باراتىن ەكسپرەسس پويىزدا جاڭا تەحنولوگيانى قولدانۋ بويىنشا پيلوتتىق باعدارلاما ىسكە قوسىلدى.
جولاۋشى ۆوكزالداعى بيلەت اۆتوماتى ارقىلى الاقانى تۋرالى بيومەتريالىق اقپاراتتى ەنگىزگەننەن كەيىن جانە تانىمال قىتايلىق WeChat مەسسەندجەرىندە اۆتوريزاسيادان وتكەن سوڭ جول ايالدامالارىندا تۋرنيكەتتەردەن ءوتۋ ءۇشىن الاقانىن كورسەتسە جەتكىلىكتى. شىعۋ كەزىندە تولەم اۆتوماتتى تۇردە ەسەپتەن شىعارىلادى.
تۋرنيكەت الاقان مەن تامىر سۋرەتىن تانىپ الادى. جاڭا تەحنولوگيا جولاۋشىلارعا قولما-قول اقشاسى جوق جانە سمارتفوندارىنىڭ قۋاتى تاۋسىلعان كەزدە دە مەترونى پايدالانۋعا مۇمكىندىك بەرەدى.
كوميتەت قولدانۋشى مالىمەتتەرىن قورعاۋ ءۇشىن شيفرلاۋ تەحنولوگيالارى قولدانىلاتىنىن ايتتى.