18 جانە 35 جاس ارالىعىنداعى جاستار كلۋبتىڭ مۇشەسى بولا الادى
الماتى قالاسىنىڭ وڭىرلىك كوممۋنيكاسيالار قىزمەتىنىڭ الاڭىندا كاسىپكەرلەر كلۋبىنىڭ اشىلۋى جانە جاستار ءۇشىن باسقا دا مۇمكىندىكتەر تۋرالى "كاسىپكەرلەر كلۋبى" جوباسىنىڭ باسشىسى تەمىرلان سالي، الماتى قالاسى جۇمىسپەن قامتۋ جانە الەۋمەتتىك باعدارلامالار باسقارماسىنىڭ ەڭبەك نارىعىن دامىتۋ ءبولىمىنىڭ باس مامانى كۇلاش ادىلبەكوۆا جانە «اگرارلىق نەسيە كورپوراسياسى» اق نەسيەلەۋ ءبولىمىنىڭ باس مامانى نۇربەرگەن تاڭىربەرگەن ۇلى ايتىپ بەردى، دەپ حابارلايدى Almaty-akshamy.kz.
جوبانىڭ ماقساتى - الماتى قالاسىندا كاسىپكەرلىك قىزمەتتى جۇزەگە اسىراتىن جاس كاسىپكەرلەردىڭ تۇراقتى قوعامداستىعىن قۇرۋ جانە دامىتۋ.
ۇيىمداستىرۋشىلار اتاپ وتكەندەي، كلۋب ءوز بيزنەسىن اشۋعا جانە دامىتۋعا نيەت بىلدىرگەن جاستاردى بىرىكتىرۋگە ارنالعان.
"الماتى قالاسىندا جاستار ساياساتى باسقارماسىنىڭ قولداۋىمەن “جاس كاسىپكەرلەر كلۋبى” اشىلدى. ءبىز جاستارعا مەملەكەتتىك قولداۋ، گرانتتار جانە ولارعا ارنالعان ءتۇرلى مۇمكىندىكتەر تۋرالى ايتىپ، قولداۋ كورسەتەمىز"، - دەدى ت. سالي.
الماتى قالاسىندا تۇراتىن 18 جانە 35 جاس ارالىعىنداعى جاستار كلۋبتىڭ مۇشەسى بولا الادى.
كلۋب اياسىندا ارنايى تالىمگەرلىك جانە ساراپتامالىق كونسۋلتاسيالار، بيزنەس-جاتتىقتىرۋشىلارمەن قارىم-قاتىناس، ىسكەر قوعامداستىقپەن، بيزنەس وكىلدەرىمەن كەزدەسۋلەر ۇيىمداستىرىلادى. سونداي-اق، پىكىرتالاس، كونفەرەنسيا، دارىستەر سياقتى ءتۇرلى فورماتتاعى ونلاين ءىس-شارالار وتكىزىلەدى. وعان قوسا ساراپشىلار مەن تاجىريبەلى كاسىپكەرلەر ءوز تاجىريبەلەرىمەن بولىسەتىن بولادى.
كلۋب مۇشەلەرى قوعامداستىقتىڭ ءبىر بولىگىنە اينالىپ، بىر-بىرىمەن تاجىريبە الماسا الادى، سونىمەن قاتار قالانىڭ تانىمال كاسىپكەرلەرىمەن ءوزارا ارەكەتتەسۋگە مۇمكىندىك الادى.
ءوز كەزەگىندە، "اگرارلىق نەسيە كورپوراسياسى" اق كرەديتتەۋ ءبولىمىنىڭ باس مامانى نۇربەرگەن تانىربەرگەن ۇلى جاس كاسىپكەرلەر ءۇشىن قولايلى مۇمكىندىك - 2،5% ميكروكرەديتتەۋ تۋرالى ايتىپ بەردى.
"وسى جىلدىڭ ناۋرىز ايىنان باستاپ بىزدە جاستارعا شاعىن نەسيە بەرۋ باعدارلاماسى باستالدى. قازىرگى ۋاقىتتا ءبىز نەسيەلىك وتىنىشتەردى قاراستىرامىز جانە قابىلدايمىز. ءدال قازىرگى ۋاقىتتا العاشقى وتىنىمدەر ماقۇلدانىپ، قارجىلاندىرۋ كەزەڭىندە تۇر"، - دەپ ءبولىستى ول.
الماتى قالاسىنىڭ جۇمىسپەن قامتۋ جانە الەۋمەتتىك باعدارلامالار باسقارماسى ەڭبەك نارىعىن دامىتۋ ءبولىمىنىڭ باس مامانى كۇلاش ادىلبەكوۆا اتالمىش ماقساتتارعا بايلانىستى الماتىدا مىڭ ادامعا 5 ملرد تەڭگە بولىنگەنىن اتاپ ءوتتى.
قارىز الۋشىلارعا قويىلاتىن نەگىزگى تالاپتار:
- 21 جاستان 35 جاسقا دەيىنگى جاستار
- جك تۇرىندەگى تىركەۋدىڭ بولۋى (ءوتىنىم بەرۋ كەزىندە 5 جىلدان اسپاۋى قاجەت)
- سوڭعى ەكى جىلدا نەسيە تاريحى بويىنشا 180 كۇننەن ارتىق كەشىكتىرۋدىڭ بولماۋى
- ءوتىنىش بەرگەن كەزدە سالىق جانە نەسيە بويىنشا بەرەشەكتىڭ بولماۋى
كرەديتتەۋدىڭ ەڭ جوعارى سوماسى 5 ملن تەڭگەگە دەيىن، ال سىياقىنىڭ پايىزدىق مولشەرلەمەسى 2،5% جىلدىق مولشەرلەمەنى قۇرايدى. جىلجىمالى (مامانداندىرىلعان تەحنيكا) جانە جىلجىمايتىن مۇلىك (تۇرعىن ءۇي، پاتەر، اۋىل شارۋاشىلىعى باعىتىنداعى جەر ۋچاسكەلەرى) تۇرىندەگى كەپىلدىڭ بولۋى مىندەتتى شارت بولىپ تابىلادى.