جۇقتىرعان ادامدار بار دەگەن كۇدىك تۋىنداعان جاعدايدا، بارلىق جولاۋشى تەكسەرۋدەن وتەدى.
قىتايدا مايمىل شەشەگىنە بايلانىستى شەكتەۋ شارالارى ەنگىزىلدى، دەپ حابارلادى Almaty-akshamy.kz COVID-19 تارالۋىنا جول بەرمەۋ جونىندەگى ۆاك-عا سىلتەمە جاساپ.
«جۇڭگو بيلىگى شەكارادان وتكەن ادامداردىڭ مايمىل شەشەگىن ەلگە اكەلۋىنە جول بەرمەۋ شارالارىن ەنگىزگەنىن مالىمدەدى. ونىڭ اياسىندا بەلگىلەر بولعان جاعدايدا، ادامدار مەملەكەتتىك ورگاندارعا حابارلاۋى ءتيىس. بۇل تۋرالى قحر باس كەدەن باسقارماسى حابارلادى.
قۇجاتتا ناقتىلانعانداي، جۇڭگو شەكاراسىنان وتكەن كولىك قۇرالىنىڭ بورتىندا جۇقتىرعان ادامدار بار دەگەن كۇدىك تۋىنداعان جاعدايدا بارلىق جولاۋشى، ولاردىڭ زاتتارى مەن جۇكتەرى ارنايى تەكسەرۋدەن ءوتۋى كەرەك. باقىلاۋدىڭ جاڭا شارالارى الداعى التى اي ىشىندە قولدانىلادى.