بۇل مالىمەتتى Ranking تالداۋ اگەنتتىگى جاريالادى.
بيىل، 21 شىلدەدەگى اقپارات بويىنشا، ءوڭىر اكىمدەرىنىڭ ورتاشا جاسى 52،2 جاستى قۇراپ وتىر، دەپ حابارلايدى Almaty-akshamy.kz
ەڭ جاسى ۇلكەن اكىم شىعىس قازاقستان وبلىسىن باسقارادى، ول دانيال احمەتوۆ. اكىم 68،1 جاستا. ونىڭ وبلىستى باسقارۋ ءوتىلى - جەتى جىل جانە جەتى اي (ەڭ ۇزاق مەرزىم). ءوڭىر باسشىسى قىزمەتىنە 60 جاسىندا تاعايىندالعان.
ودان كەيىن جاڭادان قۇرىلعان جەتىسۋ وبلىسىنىڭ اكىمى بەيبىت يسابايەۆ (59،6 جاس) جانە اقتوبە وبلىسىنىڭ اكىمى وڭداسىن ورازالين (58،7 جاس).
ءوڭىر اكىمدەرىنىڭ ەڭ جاسى – مۇرات ايتەنوۆ (40،7 جاس)، رەسپۋبليكالىق ماڭىزى بار شىمكەنت قالاسىن باسقارادى. ول بۇل قىزمەتكە 38 جاسىندا كەلدى، قالانى ەكى جارىم جىلدان بەرى باسقارۋدا.
سونداي-اق جاس اكىمدەردىڭ اراسىندا اتىراۋ وبلىسىنىڭ باسشىسى سەرىك شاپكەنوۆ (43 جاس) پەن ەلوردا اكىمى التاي كولگىنوۆ (44،5 جاس) بار.
