الماتىدا جاسىل جەلەكتەردى سۋارۋ جۇمىستارى كۇشەيتىلدى

جاسىل جەلەكتى اپتاپ ىستىقتان قورعاۋ ءۇشىن ولاردى سۋارۋ جۇمىستارى جيىلەدى.

اۋا رايىنىڭ اپتاپ ىستىعىنا بايلانىستى قۇرعاقشىلىقپەن كۇرەسۋ ءۇشىن،  قالانىڭ بارلىق اۋداندارىندا جاسىل جەلەكتەردى سۋارۋ جۇمىستارىن جيىلەتۋگە شەشىم قابىلداندى. قاجەت بولعان جاعدايدا، كەيبىر اۋماقتار كۇندە سۋارىلادى، دەپ حابارلايدى Almaty-akshamy.kz.
 
كوپتەگەن اۋماقتاردا اۆتوماتتاندىرىلعان سۋارۋ جۇيەسى قولدانىلادى. سونداي-اق مەردىگەر مەكەمەلەر  پومپانى پايدالانادى. جاياۋ جۇرگىنشىلەر كوشەلەرىندەگى كوگالدار اۆتوماتتى سۋارۋ جۇيەسى مەن سۋ تاسىعىشتاردىڭ كومەگىمەن سۋارىلادى. 
سۋارۋ جۇمىستارى كۇن سايىن كەستەگە سايكەس تۇنگى ۋاقىتتا كۇشەيتىلگەن رەجيمدە جۇرگىزىلەدى. سونداي-اق ساياباقتارداعى، گۇلزارلار مەن جاسىل ايماقتارداعى جاسىل جەلەكتەر قوسىمشا سۋارىلادى. 

قالا اۋداندارىنىڭ اۋماعىنداعى جۇمىستارعا قوسىمشا 22 بىرلىك سۋارۋ-جۋۋ ماشينالارى تارتىلدى. 25 شىلدەدەن 26 شىلدەگە قاراعان ءتۇنى 22 ماشينا 66 رەيس جاساپ، جاسىل جەلەكتەردى سۋارۋعا 660 تەكشە مەتر سۋ پايدالانىلدى. قالانىڭ اۆتوموبيل جولدارى بويىنداعى كوگالداردى سۋارۋ الاڭى 105 مىڭ شارشى مەتردى قۇرادى.