وتانداستارىمىز 87 جولداما جەڭىپ العان
قازاقستاندىق وليمپياداشىلار العاشقى جارىسىن 3ء-شى اقپان كۇنى باستايدى، دەپ حابارلايدى Almaty-akshamy.kz Egemen.kz-كە سىلتەمە جاساپ.
وليمپيادا ويىندارىنىڭ رەسمي اشىلۋ ءراسىمى 4 اقپانعا جوسپارلانعان. الايدا، كەرلينگ، فريستايل، شايبالى حوككەي سىندى سپورت تۇرىنەن جارىستار 2-3 اقپاندا باستالىپ كەتەدى.
قازاقستاندىق فريستايلشىلار العاشقى ىرىكتەۋ سىندارىن 3 اقپاندا باستايدى. فريستايل-موگۋلدان وليمپياداعا قازاقستاننان يۋليا گالىشيەۆا، اياۋلىم امرەنوۆا، ولەسيا گراۋر، اناستاسيا گورودكو، دميتريي رەيحەرد جانە پاۆەل كولماكوۆ جولداما جەڭىپ العان بولاتىن.
بەيجىڭ وليمپياداسىنداعى فريستايل-موگۋلدان جارىس كەستەسى:
3 اقپان
موگۋل، ايەلدەر. ءبىرىنشى ىرىكتەۋ موگۋل، ەرلەر. ءبىرىنشى ىرىكتەۋ
5 اقپان
موگۋل، ەرلەر. ەكىنشى ىرىكتەۋ، ءبىرىنشى، ەكىنشى، ءۇشىنشى فينال
6 اقپان
موگۋل، ايەلدەر. ەكىنشى ىرىكتەۋ، ءبىرىنشى، ەكىنشى، ءۇشىنشى فينال.
ايتا كەتەيىك، XXIV قىسقى وليمپيادا ويىندارىنا قازاقستان قۇراماسىنان بارلىعى 34 سپورتشى قاتىسادى، ولار 87 جولداما جەڭىپ الدى. ءتورتجىلدىق دودانىڭ اشىلۋ سالتاناتى نۇر-سۇلتان ۋاقىتىمەن 4 اقپان كۇنى، ساعات 17:55-تە باستالادى.
ويىنداردى «Qazaqstan»، «Qazsport»، «حابار» جانە «El arna» تەلەارنالارىنان تىكەلەي ەفيردەن كورۋگە بولادى.