كوروناۆيرۋس. الەم جاڭالىقتارى
بەيجىڭ وليمپياداسىندا وتكەن تاۋلىكتە 55 ادامنان COVID-19 ينفەكسياسىن جۇقتىرۋ دەرەگىانىقتالدى، دەپ حابارلايدى Almaty-akshamy.kz Covid-19 تارالۋىنا جول بەرمەۋ جونىندەگى ۆاك-قا سىلتەمە جاساپ.
سونىمەن قاتار، وليمپيادادا قاتاڭ قاۋىپسىزدىك شارالارى ساقتالادى-روبوتتار دەزينفەكسيالاۋ زاتتارىن سەبەدى، بارلىق قاتىسۋشىلار مەن قىزمەتكەرلەر كۇن سايىن پتر سىناقتارىنان وتەدى، ال بارمەندەر مەن داياشىلار بەتپەردە مەن قورعانىس كيىمدەرمەن قىزمەت كورسەتەدى.
اۆستريانىڭ فەدەرالدى كەڭەسى كوۆيدكە قارسى مىندەتتى ۆاكسيناسيا تۋرالى زاڭنىڭ قابىلدانۋىن ماقۇلدادى. زاڭ جوباسىن قولداپ 47 دەپۋتات، قارسى - 12 دەپۋتات داۋىس بەردى. ەنبى زاڭعا رەسپۋبليكا پرەزيدەنتى قول قويۋى ءتيىس. 18 جاستان اسقان اۆستريا تۇرعىندارى ءۇشىن مىندەتتى ۆاكسيناسيانى ەنگىزۋ اقپان ايىنا جوسپارلانعان.
ءبىرقاتار ەلدەردە كوروناۆيرۋسپەن اۋىراتىنداردىڭ تاۋلىكتىك كورسەتكىشى بويىنشا انتيرەكوردتار تىركەلدى: برازيليادا — 298 408 جاعداي، گەرمانيادا — 248 838 جاعداي، جاپونيادا — 96 845، ۋكراينادا — 43 778 جاعداي، چيليدە — 37 468 جانە وڭتۇستىك كورەيادا-27 443 جاعداي.