ساۋد ارابياسىنىڭ ءال-دجۋبايل قالاسىندا اياقتالعان ترياتلوننان U23 جاس ساناتىنداعى ازيا چەمپيوناتىنىڭ 2-جارىس كۇنى قازاقستان قۇراماسى تاعى ءبىر مەدال جەڭىپ الدى، دەپ حابارلايدى aqshamnews.kz.
ارالاس كوماندالىق سايىستا ەلىمىزدىڭ كومانداسى مارەگە 1 ساعات، 13 مينۋت 10 سەكۋندتان كەيىن جەتىپ، كۇمىس جۇلدەگە يە بولدى.
جارىس جولىنا ەگور كرۋپياكوۆ، ميلەنا ساپرينا، الەكساندر تەن، ديانا ەرجانوۆا شىقتى. باس جۇلدە گونكونگ ترياتلونشىلارىندا.
ۇزدىك ۇشتىكتى جاپونيا قۇراماسى تۇيىندەدى. ەسكە سالا كەتەيىك، چەمپيوناتتىڭ العاشقى كۇنى ەرلەر اراسىندا الەكساندر تەن كۇمىس، ەگور كۋرپياكوۆ قولا مەدال العان.
بيىل جارىسقا 21 ەلدەن 128 سپورتشى (84 ەر، 44 ايەل) جينالدى. ەل نامىسىن قورعاۋ ءۇشىن و باستا 12 وتانداسىمىز اتتانعان.