اەس – تەك ەنەرگەتيكا سالاسىنىڭ نىسانى عانا ەمەس، سونىمەن بىرگە ەلىمىزدىڭ عىلىمي-تەحنيكالىق پروگرەسىنىڭ جارقىن سيمۆولىنا اينالۋعا ءتيىس. قازىرگى تاڭدا ونىڭ اتاۋى ءالى جوق. بۇل – قازاقستانداعى تۇڭعىش اتوم ەلەكتر ستانسياسى بولعاندىقتان، مەملەكەت باسشىسى قاسىم-جومارت توقايەۆ حالىق اراسىندا ۇزدىك اتاۋ بويىنشا اشىق بايقاۋ جاريالاۋدى ۇسىندى.
«بۇل سايىسقا قاتىسىپ، شىعارماشىلىق قابىلەتتەرىڭىزدى كورسەتۋگە شاقىرامىن. بالكىم، شەشىم قابىلداعان كەزدە سىزدەردىڭ دە ۇسىنىستارىڭىزعا سۇيەنەرمىز»، – دەدى پرەزيدەنت.
ءبىز، بۇل باستامانى تولىق قولدايمىز. بۇل – تەك ءبىر نىساننىڭ اتاۋىن تاڭداۋ ەمەس، ۇرپاققا قالار تاريحي مۇراعا ۇلەس قوسۋ مۇمكىندىگى.
سوندىقتان ءوز تاراپىمىزدان بىرنەشە نۇسقاسىن ۇسىنامىز:
• جەرۇيىق ەنەرگياسى – قازاق اڭىزى مەن بەيبىت ءومىردىڭ سيمۆولى.
• ۇلى دالا قۋاتى – ۇلتتىق برەندكە اينالاتىن، كەڭ دالامىزدىڭ قۋاتىن بىلدىرەدى.
• سامالاتوم – جەڭىل ەستىلەتىن، تازا ەنەرگيا مەن جەلدىڭ تىنىسىن بىرىكتىرەدى.
قازاقستان – ورتاق ءۇيىمىز. وسى ورتاق ءۇيىمىزدىڭ ەنەرگەتيكالىق قاۋىپسىزدىگىن قامتاماسىز ەتەتىن ستراتەگيالىق جوباعا حالىقتىق اتاۋ بەرۋ – ءارقايسىمىزدىڭ ازاماتتىق مىندەتىمىز.
بىرگە ويلانايىق، بىرگە تاڭدايىق، بىرگە دامىتايىق!
رافيك ميرزويەۆ،
قازاقستان كۇردتەرى قاۋىمداستىعى «باربانگ» باسقارما ءتوراعاسى