الەۋمەتتىك ماڭىزى بار ازىق-تۇلىك تاۋارلارىنىڭ (ءامات) باعاسىن تۇراقتاندىرۋ شارالارى اياسىندا «الماتى» اكك» اق «NAURYZ AGRO KZ» ج ش س قۇس فابريكاcىمەن 205،2 توننا تاۋىق ەتىن (سان ەتى، جامباسى) جەتكىزۋ جانە ساتۋ تۋرالى قارىز شارتىنا قول قويدى. بۇل تۋرالى «الماتى» اكك» حابارلادى.
باعانى تۇراقتاندىرۋ مەرزىمى – 24 اي. ءوندىرۋشىنىڭ كوتەرمە باعاسى – كەلىسىنە 1 150 تەڭگە، تاۋارعا قوسىلاتىن ۇستەمەسى 15%-دان اسپايدى. ءونىم ءىرى ساۋدا جەلىلەرىندە جانە باسقا دا ساتۋ ورىندارىندا قولجەتىمدى بولادى.
بۇعان دەيىن «الماتى» اكك» «Magnum Cash&Carry» جشس-مەن كارتوپ، ءسابىز، پياز جانە قىرىققاباتتى بەلگىلەنگەن تومەندەتىلگەن بولشەك باعامەن ساتۋ جونىندە فورۆاردتىق قارىز شارتىنا قول قويعان. كوكونىستەر الماتى، جامبىل، پاۆلودار جانە قاراعاندى وبلىستارىنداعى اۋىل شارۋاشىلىعى تاۋار وندىرۋشىلەرىنەن 10 440 توننا كولەمىندە ساتىپ الىنادى. باعانى تۇراقتاندىرۋ 2025 جىلى 1 قىركۇيەكتەن باستالىپ، 2026 جىلعى ءساۋىردىڭ سوڭىنا دەيىن جالعاسادى.
سونداي-اق «Magnum Cash&Carry» جشس-مەن 11 اتاۋ بويىنشا ءامات باعاسىن تۇراقتاندىرۋعا ارنالعان قارىز شارتى بار. وعان قاراقۇمىق، كۇرىش، روجكي (سالماقپەن)، كۇنباعىس مايى (ماي زاۋىتى №1)، مايلىلىعى 2،5% ايران (جۇمساق قاپتامادا)، مايلىلىعى 72،5% سارى ماي، مايلىلىعى 2،5% پاستەرلەنگەن ءسۇت (جۇمساق قاپتامادا)، تاۋىق ەتى (سان ەتى، جامباسى)، ءبىرىنشى سۇرىپتى ۇن، سيىر ەتى (ءتوس ەتى) جانە تۇز كىرەدى. باعانى تۇراقتاندىرۋ مەرزىمى 2026 جىلعى ناۋرىزعا دەيىن.
بۇعان قوسا، بۇرىن جاسالعان قارىز شارتتارى اياسىندا «الاتاۋ-قۇس» اق جانە «سارىبۇلاك» ج ش س قۇس فابريكالارى قالاداعى «الاتاۋ-قۇس» فيرمالىق دۇكەندەرىنە 1 818 توننا تاۋىق ەتىن، سونداي-اق ءىرى ساۋدا جەلىلەرىنە، «الاتاۋ-قۇس» دۇكەندەرىنە جانە «ءۇي ىرگەسىندەگى» دۇكەندەرگە ءبىرىنشى ساناتتاعى 86،4 ملن دانا جۇمىرتقا جەتكىزۋدى جالعاستىرۋدا. سونىمەن بىرگە «كوكشەتاۋ ءسۇت زاۋىتى بەلوگورە» جشس-نەن 170 مىڭ ليتر كولەمىندە مايلىلىعى 2،5% ءسۇت بەلگىلەنگەن تومەندەتىلگەن باعامەن مينيماركەتتەر ارقىلى ساتىلادى.
قانت باعاسىن تۇراقتاندىرۋ ماقساتىندا وتاندىق قۇمشەكەر ساۋدا جەلىلەرىندە ءوندىرۋشىنىڭ بەلگىلەنگەن كوتەرمە باعاسىمەن – كەلىسىنە 380 تەڭگەدەن، تاۋارعا قوسىلاتىن ۇستەمەسى 10%-دان اسپايتىن مولشەردە ساتىلۋدا.
بارلىق ءامات ءونىمى «Magnum»، «Small»، «الاتاۋ-قۇس» فيرمالىق دۇكەندەرى مەن «ءۇي ىرگەسىندەگى» دۇكەندەردە ءوندىرۋشىنىڭ كوتەرمە باعاسىنان 15%-دان اسپايتىن تاۋارعا قوسىلاتىن ۇستەمەسىمەن ساتىلادى.
ونىمدەردىڭ بەلگىلەنگەن باعاسى مەن ساتۋ ورىندارىنىڭ مەكەنجايلارى «الماتى» اكك»-نىڭ www.almatyazyk.kz سايتىندا جاريالانعان.