بەلگىلى ءانشى تامارا اسار وگەي ۇلى الىشەردىڭ قازاسىنا ارناپ جۇرەكجاردى ولەڭ جاريالاپ، قالىڭ جۇرتتى جىلاتتى، - دەپ حابارلايدى اqshamnews.kz ءتىلشىسى. ولەڭ جولدارىن ونەرپاز Instagram پاراقشاسىندا جاريالادى.
پوست استىنداعى پىكىرلەر بولىمىندە مىڭداعان ادام قايعىعا ورتاقتاسىپ، كوڭىل ايتىپ جاتىر.
"وندىردەي بولعان ورەنىم
باۋىرىما باسقان “بولەگىم”
قۇلاعىڭا سەنىڭ جەتتى مە،
قاپىدا شىققان ولەڭىم…
جۇرتشىلىق كەلدىڭ جيىلىپ،
جۇباتىپ جاتتىڭ قيىلىپ.
جۇماشتىڭ پارلاپ كوز جاسى
جۇرەگىمە تولدى-اۋ قۇيىلىپ.
الىشەر كەتتىڭ شالعايعا،
سەن قايدا بۇگىن، مەن قايدا؟
تورقاداي بولىپ توپىراعىڭ،
يمانىڭ جولداس بولعاي دا.
دۇعادا كۇندە وتىرمىن
تالاي دا ءالى وقىرمىن.
قاڭقۋ ءسوز “وگەي” دەسە دە
قايىرىن سۇراپ وتىرمىن"، - دەگەن ولەڭ جولدارىن جاريالادى ول. سونىمەن قاتار قولداۋ بىلدىرگەن جاندارعا العىسىن ايتتى.
"قيىندىقتا قاسىمىزدا بولىپ،الىستان-جاقىننان كوڭىل ايتىپ،قيىندىق بولىسكەن ءاربىر جانعا باس ءيىپ،راحمەتىمىزدى ايتامىز. اللانىڭ ىسىنە شارا جوق،ارتىنىڭ قايىرىن سۇرايمىز. قۇدايدان ءۇمىتىمىز بار. جاقسى كۇندەر كوپ بولسىن. جاستار امان بولسىن"،- دەپ جازدى تامار اسار.
ەسكە سالايىق، ءانشى تامارا اساردىڭ جولداسى جۇماش مىرزانىڭ العاشقى نەكەسىنەن تۋعان ۇلى الىشەر (22 جاستا) اقتوبەدە دوسىنىڭ ۇيلەنۋ تويىنا بارعان كەزدە كولىك قاعىپ، قازا تاپقان بولاتىن.