الەۋمەتتىك ينفراقۇرىلىمدى دامىتۋ اۋداننىڭ وزەكتى ماسەلەسى بولىپ وتىر.
بيىل تامىز ايىندا №48 مەكتەپتىڭ 250 ورىندىق قوسىمشا قۇرىلىسى جوندەلدى، № 131 مەكتەپتى سەيسميكالىق كۇشەيتۋ، كۇردەلى جوندەۋ جۇمىستارى اياقتالدى، دەپ حابارلايدى Almaty-akshamy.kz
سونداي-اق 7 جوبانى، ياعني قوسىمشا قۇرىلىستار سالۋعا 4 جوبالاۋ-سمەتالىق قۇجاتتاما جانە سەيسميكالىق كۇشەيتۋمەن كۇردەلى جوندەۋگە 3 جوبالاۋ-سمەتالىق قۇجاتتامانى ىسكە اسىرۋ جۇمىستارى جۇرگىزىلۋدە.
تامىز ايىندا №35 (300) جانە №99 (250) مەكتەپتەردىڭ قوسىمشا قۇرىلىستارى بويىنشا 2 جوبالاۋ-سمەتالىق قۇجاتتامانىڭ ساراپتاما قورىتىندىسى الىندى. قۇرىلىس-مونتاجداۋ جۇمىستارى 2024 جىلدىڭ 2ء-شى توقسانىندا باستالادى.
جەلتوقسان ايىندا №131 (300) جانە №168 (300) مەكتەپتەردىڭ باستاۋىش سىنىپتارعا ارنالعان قوسىمشا قۇرىلىستارى بويىنشا 2 جوبالاۋ-سمەتالىق قۇجاتتامانىڭ ساراپتاما قورىتىندىسىن الامىز.
№33، 161 جانە 17 مەكتەپتەردى سەيسميكالىق كۇشەيتىپ، رەكونسترۋكسيالاۋعا جوبالاۋ-سمەتالىق قۇجاتتاما ازىرلەنۋدە. №33 مەكتەپ بويىنشا ساراپتاما الىندى (21.08.2023ج.). قۇرىلىس-مونتاجداۋ جۇمىستارى
2024 جىلدىڭ 1ء-شى توقسانىندا باستالادى. №161 جانە №17 مەكتەپتەر بويىنشا مەملەكەتتىك ساراپتامانى قاڭتاردا الۋدى جانە قۇرىلىس-مونتاجداۋ جۇمىستارىن 2024 جىلدىڭ 2ء-شى توقسانىندا باستاۋدى جوسپارلاپ وتىرمىز.
سونداي-اق بوگەنباي باتىر كوشەسى، 42 مەكەنجايى بويىنشا №29 مەكتەپكە 300 ورىندىق قوسىمشا قۇرىلىس سالۋ ءۇشىن جەر ۋچاسكەسىن ساتىپ الۋ پروسەدۋرالارى جۇرگىزىلۋدە (ساتىپ الۋدى اياقتاۋ مەرزىمى شامامەن وسى جىلدىڭ سوڭىنا دەيىن).
انىقتاما ءۇشىن: 23.06.2023 جىلى جەر ۋچاسكەسىن ماجبۇرلەپ يەلىكتەن شىعارۋ تۋرالى №2/220-374 قاۋلى قابىلداندى، الىپ قويۋعا جاتاتىن 4 جەر ۋچاسكەسى بار (6 مەنشىك يەسى، جالپى اۋدانى - 0،4468 گا، بولجامدى قۇنى - 670 ملن. تگ.). بۇگىنگى كۇنى جەر ۋچاسكەسىن باعالاۋ پروسەدۋرالارى جۇرگىزىلۋدە.
«جايلى مەكتەپ» ۇلتتىق جوباسى اياسىندا قۇلجا كۇرە جولىنىڭ وڭتۇستىگىندە 2 مىڭ ورىندىق جاڭا مەكتەپ سالىنادى. سونداي-اق جەكە ينۆەستورلاردىڭ قاراجاتى ەسەبىنەن («MG City» ج ش س، «Saba Group» ج ش س) «دۋمان» شاعىن اۋدانىندا (1200 ورىن) جانە حاليۋللين كوشەسى، 140 (300 ورىن) مەكەنجايىندا 1500 ورىندىق 2 مەكتەپ سالۋ جوسپارلانعان. 3 جوبانى ىسكە اسىرۋ مەرزىمى – 2024 جىل.