«اتىراۋ» گازەتىنە – 100 جىل
العاشقى سانى 1923 جىلى «ەرىك» دەگەن اتاۋمەن جارىق كورگەن باسىلىم وسى ارالىقتا «قۇرمەت بەلگىسى» وردەنىمەن ماراپاتتالىپ، بۇكىلوداقتىق سىيلىققا دا يە بولعان. عاسىرلىق مەرەيتويعا وراي اتىراۋ قالاسىندا اۋقىمدى جيىن ءوتتى. وعان ەلگە تانىمال قالامگەرلەر مەن ارداگەر جۋرناليستەر، سونداي-اق الماتىدان ارنايى بارعان «Alatau اqparat» مەدياحولدينگىنىڭ باس ديرەكتورى ەرجان قالىمباي ۇلى قاتىستى.
گازەتتىڭ العاشقى سانى «ەرىك» دەگەن اتاۋمەن 1923 جىلى ءساۋىردىڭ 1ء-ى كۇنى شىقتى. 1924 جىلى 23 تامىز – «جۇمىسكەر ءتىلى»، 1930 جىلدىڭ قىركۇيەگىنەن «جەم جۇمىسشىلارى»، 1932 جىلعى ساۋىردەن – «لەنين جولى»، 1933 جىلعى قىركۇيەكتەن – «سوسياليستىك قۇرىلىسقا»، 1933 جىلعى 5 قاراشادان – «سوسيالدى قۇرىلىس»، 1963 جىلدىڭ مامىرىنان – «كوممۋنيستىك ەڭبەك» دەگەن اتاۋمەن، ال 1990 جىلعى ماۋسىمنىڭ 30-ىنان بەرى «اتىراۋ» دەگەن اتاۋمەن شىعىپ كەلەدى. ۇزاق جىل بويى اپتاسىنا 5 رەت شىققان گازەت سوڭعى جىلدارى اپتاسىنا ءۇش رەت شىعادى.
«اتىراۋ» گازەتى – ەلىمىزدىڭ باتىس ءولكەسىندەگى العاشقى ۇلتتىق باسىلىمداردىڭ ءبىرى. گازەتتىڭ نەگىزىن قالاپ، ماتەريالدىق بازاسىن جاساقتاپ، العاشقى نومىرلەرىن شىعارعان – 1923 جىلى گۋريەۆ ۋەزدىك پارتيا كوميتەتىنىڭ ءبىرىنشى حاتشىسى بولعان تولەپكەرەي وتەۋلييەۆ. گازەتتىڭ العاشقى سانىنداعى باس ماقالانىڭ اۆتورى دا سول كىسى ەدى. «تىرلىك وسىمەن تابىلادى» دەپ اتالعان ماقالادا نەگىزگى وي «حالىقتىڭ ءوقۋ-بىلىمىنىڭ ماڭىزى، ەرىكتى ەل بولۋدىڭ باستى شارتى – ونىڭ ساۋاتتىلىعىندا» دەگەنگە سايادى. وبلىستىق گازەت ءوزىنىڭ بۇكىل تاريحىندا وسى ويدى جان-جاقتى ناسيحاتتاۋمەن كەلەدى. 2000 ج. باسىندا گازەت تارالىمى 10 مىڭ بولسا، بۇگىندە تارالىم 26 مىڭنان استى.
ءۇنقاعاز تاريحى وتە باي. كەزىندە ءابۋ سارسەنبايەۆ، اسقار توقماعامبەتوۆ، ءسابيت مۇقانوۆ، عابدول سلانوۆ، حاميت ەرعالييەۆ، جۇمەكەن ناجىمەدەنوۆ، بەرقايىر امانشين ماقالا-ولەڭدەرى مەن اڭگىمەلەرىن جولداپ تۇرعان. گازەتتە تاۋمان اماندوسوۆ، مەڭدەكەش ساتىبالدييەۆ، فاريزا وڭعارسىنوۆا، مارات ىسقاقوۆ، بەرىك قورقىتوۆ، امانقوس ەرشۋوۆ سىندى بەلگىلى ادەبيەتشى، جازۋشىلار جۇمىس ىستەپ، قاناتتاندى. نۇريدەن مۇفتاحوۆ، تىلەك ءداۋلەتوۆ، ىزىمبەرگەن ءىسحوجين سىندى رەسپۋبليكاعا تانىمال جۋرناليستەر، الەم كلاسسيكتەرىن قازاق، قاراقالپاق تىلدەرىنە العاشقى اۋدارعان ءجۇسىپ ءجانتورين، قىدىرعالي ساسىقوۆ سىندى ەرتەدە ەلگە تانىلعان اۋدارماشىلار جۇمىس ىستەدى.