زاڭسىز جۇمىس ىستەگەن شەتەلدىك ازاماتتاردى پوليسيا قىزمەتكەرلەرى انىقتادى.
Polisia.kz مالىمەتىنشە، زاڭسىز ەڭبەك ەتۋشىلەر «نەلەگال» رەسپۋبليكالىق جەدەل الدىن الۋ ءىس-شاراسى بارىسىندا انىقتالدى. بۇل ءىس-شارا 2-8 قازان ارالىعىندا وتەدى، دەپ حابارلايدى Almaty-akshamy.kz.
«ماقسات – زاڭسىز جۇرگەن شەتەلدىكتەردى انىقتاۋ، سونداي-اق زاڭسىز كوشى-قون ارنالارىنىڭ جولىن كەسۋ. ءىس-شارا اياسىندا قالانىڭ ناۋرىزباي اۋدانىندا قر-نىڭ كوشى-قون زاڭناماسىن بۇزعان وزبەكستاننىڭ 15 ازاماتى ۇستالدى. ولار قۇرىلىس جانە جول جۇمىستارىنا زاڭسىز تارتىلعان. تەكسەرۋ كەزىندە شەتەلدىكتەردىڭ جەكە باسىن كۋالاندىراتىن قۇجاتتارى بولماعان. ولار پد-نىڭ قابىلداپ-تاراتۋىنا ورنالاستىرىلدى. ءاربىر قۇقىق بۇزۋشىنىڭ جەكە باسىن انىقتاۋ جۇمىستارى جۇرگىزىلۋدە»، – دەپ حابارلادى الماتى قالالىق پد كوشى-قون قىزمەتى باسقارماسىنىڭ باستىعى اسحات بۋتۋنچينوۆ.
سونداي-اق پوليسيا مەملەكەتتىك شەكارانى زاڭسىز كەسىپ وتكەن رەسەي فەدەراسياسىنىڭ 35 جاستاعى ازاماتشاسىن ۇستاعانى تۋرالى حابارلادى. اتالعان دەرەك بويىنشا ق ر قك-نىڭ 392-بابىنا سايكەس قىلمىستىق ءىس تىركەلىپ، تەرگەلىپ جاتىر.