باتىس قازاقستاندا اقبوكەندەر قىرىلىپ جاتىر

ماماندار اقبوكەندەردىڭ ولەكسەلەرىنەن ساراپتاۋعا ارنالعان سىناما الدى.

باتىس قازاقستان وبلىسىنىڭ جانىبەك اۋدانىندا اقبوكەندەردىڭ قىرىلۋىنا قاتىستى ساراپتاما جۇرگىزىلەدى. قوڭىرات جانە جىگەر ەلدى مەكەندەرىنەن اقبوكەندەردىڭ بەس ۇشاسى تابىلدى، دەپ حابارلايدى Almaty-akshamy.kz Egemen.kz cىلتەمە جاساپ.

ەكولوگيا، گەولوگيا جانە تابيعي رەسۋرستار مينيسترلىگى وقيعا ورنىندا جانىبەك اۋدانى اكىمىنىڭ ورىنباسارىمەن، جەرگىلىكتى پوليسيا جانە ۆەتەريناريالىق ماماندارمەن بىرلەسىپ، ىشكى ورگانداردان اقبوكەندەردىڭ ولەكسەلەرىنەن ساراپتاۋعا ارنالعان سىناما الىنعانىن اتاپ ءوتتى.

«كەيىن ولەكسەلەر مال قورىمىنىڭ اۋماعىندا جويىلدى»، دەلىنگەن حابارلامادا.

باتىس قازاقستان وبلىستىق اۋماقتىق ينسپەكسياسىنان حابارلاعانداي، قوڭىرات اۋىلىنىڭ اۋماعىندا ءمۇيىزى بار اقبوكەندەردىڭ ەكى ۇشاسى، جىگەر اۋىلىنىڭ اۋماعىندا اقبوكەندەردىڭ ءۇش ۇشاسى تابىلدى.

23 تامىزدا قازاقستاندا اقبوكەندەردى اۋلاۋعا رۇقسات ەتىلەتىنى بەلگىلى بولدى. بۇل رەتتە ەكولوگيا مينيسترلىگىنىڭ باسشىسى سەرىكقالي برەكەشيەۆ بۇل ماسەلە بويىنشا ءبىرجاقتى شەشىم قابىلدانباعانىن، جۇرتشىلىقتان كەلىپ تۇسەتىن ءتۇرلى نۇسقالار قارالىپ جاتقانىن ايتتى.