دەمالىس كۇندەرى قازاقستاننىڭ كوپ بولىگىندە جاڭبىر جاۋادى

رەسپۋبليكا بويىنشا جەلدىڭ كۇشەيۋى كۇتىلۋدە. 

«قازگيدرومەت» ماماندارى 15-17 قازان كۇندەرى اۋا رايى قانداي بولاتىنىن بولجادى، دەپ حابارلايدى Almaty-akshamy.kz. 

سينوپتيكتەردىڭ بوجامى بويىنشا، سيكلون جىراسىنىڭ اسەرىنەن جانە اتموسفەرالىق فرونتتاردىڭ وتۋىمەن، دەمالىس كۇندەرى ەلىمىزدىڭ كوپ بولىگىندە جاڭبىر جاۋادى، سولتۇستىك ايماقتاردا جاۋىن-شاشىن جاڭبىر مەن قار تۇرىندە بولادى. 

«اتلانتيكالىق ايماقتاردان انتيسيكلوننىڭ ەنۋىمەن اۋا تەمپەراتۋراسىنىڭ بىرتىندەپ تومەندەۋى جانە جاڭا اپتانىڭ باسى قاراي جاۋىن-شاشىننىڭ توقتاۋى كۇتىلەدى. ەلدىڭ وڭتۇستىك-شىعىسىندا اتموسفەرالىق فرونتتارمەن وسى اپتانىڭ سوڭىنا دەيىن جاڭبىر جاۋادى. رەسپۋبليكا بويىنشا جەلدىڭ كۇشەيۋى كۇتىلۋدە، ەلدىڭ شىعىسىندا، سولتۇستىگىندە، باتىسىندا تۇمان، سولتۇستىگىندە كوكتايعاق بولجانادى»، - دەلىنگەن «قازگيدرومەت» حابارلاماسىندا. 

قازاقستاننىڭ باتىسىندا تۇندە 10 گرادۋس جىلى - 3 گرادۋس ايازعا دەيىن تومەندەيدى، كۇندىز 8-15 گرادۋس، وڭتۇستىك-باتىستا 20 گرادۋس جىلىعا دەيىن جوعارىلايدى؛ سولتۇستىكتە، ەلدىڭ ورتالىعىندا تۇنگى ۋاقىتتا 8 گرادۋس جىلى - 3 گرادۋس ايازعا دەيىن، كۇندىز 5-14 گرادۋس جىلىعا دەيىن تومەندەيدى؛ شىعىستا نەگىزگى فون تۇندە 8 گرادۋس جىلى - 5 گرادۋس اياز، كۇندىز 10-21 گرادۋس جىلىعا دەيىن تومەندەيدى؛ رەسپۋبليكانىڭ وڭتۇستىگىندە تۇندە 0-11 گرادۋس جىلىعا دەيىن، كۇندىز 15-23 گرادۋس جىلىعا دەيىن تومەندەيدى؛ وڭتۇستىك-شىعىستا تۇندە نەگىزگى فون 3-12 گرادۋس جىلى، تاۋلى ايماقتاردا 3 گرادۋس جىلى – 5 گرادۋس ايازعا دەيىن، كۇندىز 7-20 گرادۋس جىلىعا دەيىن تومەندەيدى.